web counter
LEXO PA REKLAMA!

SHKARKO APP

App Store
Google Play

E fundit!

x

Denoncim- Kullë në sheshin “Avni Rustemi”, paratë do të shkojnë për blerjen e zgjedhjeve të 2025-ës

18 Tetor 2024, 11:23, Denoncim CNA

Denoncim- Kullë në sheshin “Avni Rustemi”, paratë do

Kryetarja e Komisionit të Apelimit në Partinë Demokratike, Adriana Kalaja, ka denoncuar nga zona e quajtur si Pazari i Ri, ku po bëhen disa punime, me qëllimin paraprak restaurimin e sheshit "Avni Rustemi", aktivistja thotë se pikërisht në këtë vend do të ndërtohet një kullë shumë e lartë.

Kalaja ka theksuar se ndërsa nuk dihet se cili do të jetë “fati” i sheshit “Avni Rustemi”, qëllimi parësor që ka grupi i strukturuar kriminal për ta zhbërë historinë dhe identitetin.

Sipas Adriana Kalasë ka dyshime të arsyeshme se paratë që do përfitohen nga ky ndërtim do hidhen në treg për të blerë zgjedhjet e 2025-ës.

“Po bëhet një ndërtim, tabela është e paqartë. Flitet për restaurimin e sheshit 'Avni Rustemi'. Nuk thuhet çfarë modeli do ketë ky shesh.

Janë afishuar tabelat me pamjet e një ndërtimi që do bëhet. Nuk është reale ajo pamje. Do ndërtohet një kullë shumë e lartë, ngritja e shifrave të betonizimit do të ndikojë në cilësinë e jetesës dhe rritjes së trafikut në këtë aks.

Ne të gjithë që jetojmë në Tiranë e njohim këtë zonë dhe qëllimi parësor që ka grupi i strukturuar kriminal është për ta zhbërë historinë dhe identitetin. Nuk dihet se si do të shkojë fati i sheshit 'Avni Rustemi', por mbi të gjitha veprat penale.

Bëhet fjalë për një pallat pesëkatësh. Kemi dhënë prova për organet ligjzbatuese.

Ka dyshime të arsyeshme se paratë që do përfitohen nga ky ndërtim do hidhen në treg për të blerë zgjedhjet e 2025-ës.

Kemi një trafik të rënduar në këtë orë të ditës. Nuk ka asnjë tabelë referuese. Në mënyrë tinëzare Veliaj publikon atë që gjoja do të bëhet me sheshin 'Avni Rustemi'”, tha Kalaja./ CNA





Lajmet e fundit nga