web counter
LEXO PA REKLAMA!

SHKARKO APP

App Store
Google Play

E fundit!

x

“Skandale korruptive e pastrim parash”/ PD: Me firmën e Veliajt dhe Xhafajt u grabitën prona shtetërore për ndërtime

5 Tetor 2024, 11:17, Denoncim CNA
“Skandale korruptive e pastrim parash”/ PD: Me firmën e Veliajt
Erion Veliaj dhe Fatmir Xhafaj

Zëdhënësja e antikorrupsionit në PD, Genta Vangjeli, hodhi akuzat se ish-ministri i Brendshëm, Fatmir Xhafaj dhe kryebashkiaku i Tiranës, Erion Veliaj se kanë kryer skandale korruptive dhe pastrim parash.

Në një deklaratë për shtyp, Vangjeli tha se me firmë të Veliajt dhe Xhafajt janë grabitur prona shtetërore për të kryer ndërtime kullash.

Ajo përmendi kompleksin ‘Square 21’, kullën me 7 kate pa leje ‘Eye of Tirana’, kullën 25 kate te komuna e Parisit dhe ndërtimin 320 mijë metra katrorë te diga e liqenit.

Sipas saj, të gjitha këto janë ndërtuar nga të afërm të Fatmir Xhafajt dhe lejet janë dhënë në mënyrë korruptive.

“Skandale korruptive e pastrim parash”/ PD: Me firmën e Veliajt
Zëdhënësja e antikorrupsionit në PD, Genta Vangjeli

Deklarata e plotë:

Fatmir Xhafaj, autori i hakmarrjes me burgosje të numrit 2 të grupit parlamentar të PD, Ervin Salijanji u denoncua pak ditë më parë nga emisioni investigativ ‘Plug’.

Skandale korruptive e pastrim parash, ku rezultojnë të përfshirë kryebashkiaku i Tiranës, Erjon Veliaj, ish-ministri i Brendshëm Fatmir Xhafaj dhe Km Edi Rama. I gjithë operacioni u ndërtua mbi kompanitë e të afërmit të Xhafës.

Prona shtetërore të grabitura me firmë të Erion Veliajt dhe Fatmir Xhafajt, në një operacion të dyshuar korruptiv dhe me lejet e ndërtimit të miratuara nga Edi Rama.

Bëhet fjalë për:

1. Ndërtimin e kompleksit ‘Square 21’ me adresë në rrugën e Kavajës në Tiranë, mbi truall dhe godina shtetërore, dhe më pas me një angazhim personal të Veliajt dhe Fatmir Xhafajt, u krye dhe kopsitja e dokumenteve.

2. Ndërtimin e ‘Eye of Tirana’ mbi truall shtetëror dhe legjitimimi i 7 kateve pa leje të ndërtuara nga njeriu i Fatmir Xhafajt.

3. Ndërtimin e kullës 25 kate tek komuna e Parisit dhe miratimi i lejes së ndërtimit për subjektin ‘Unico Constrution’ shpk blerë me vlerë simbolike nga i afërmi i Fatmir Xhafajt.

4. Ndërtimin në 320 mijë metra katror te diga e liqenit, nga subjekti ‘BUILDING CONSTRUCTION INVEST’, gjithashtu kompani e blerë nga njeriu i Xhafajt.

5. Ndërtimin e strukturës akomuduese me aplikues investitorin strategjik ‘Klais shpk’ në pronësi të të afërmit të Fatmir Xhafajt , përjashtuar për 10 vite nga pagesa e tatim fitimit, taksat e pronës, edhe nga taksa për ndikimin në infrastrukture, i cili do të paguajë vetëm 6 % TVSH.

Pra njeriu i Fatmir Xhafajt, i atakuar publikisht nga kryeministri, shndërrohet po me bekimin e tij në përfituesin më të madh të lejeve për kulla dhe favoreve shtetërore

Në burg duhet të ishte jo Ervin Salijani, por Fatmir Xhafaj së bashku me prestanomet e tij përmes të cilëve pastron para.

Për shkak të vëllait të tij trafikant ndërkombëtar droge të dënuar nga drejtësia italiane, Fatmir Xhafaj duhej të ishte nën hetim pasuror financiar siç e parashikon ligji antimafia dhe jo në krye të komisionit të ashtuquajtur “antikorrupsion” e as në pozicionin për të thirrur në raportim të gjitha institucionet e asaj që quhet “drejtësia e re”.

Refuzimi i drejtuesve të institucioneve të drejtësisë për t`u paraqitur para Fatmir Xhafajt është një gjysmë hapi në drejtimin e duhur i cili do të ishte i kotë, nëse Fatmir Xhafaj nuk merret nën hetim për të kuptuar burimin e pasurive të tij./ CNA





Lajmet e fundit nga