E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Denoncimi: 100 familje në Milot, pa ujë të pijshëm

1 Tetor 2024, 17:37, Denoncim CNA

Një denoncim ka ardhur këtë të martë nga deputetja Elda Hoti për rrjetin e ujësjellësit në Milot.

Hoti ka shkruar në rrjetet sociale 100 familje në Milot po përballen prej ditësh me mungesën e ujit të pijshëm.

Ajo ka denoncuar se Bashkia dhe autoritetet nuk kanë marrë masa për këtë problem, por kanë lënë banorët në mëshirë të fatit.

Deputetja ka theksuar se Bashkia nuk nguron në asnjë moment t’u marrë paratë qytetarëve, por shërbime nuk kryen.

Denoncimi i plotë:

Miloti, prej ditësh po përballet me mungesën e ujit të pijshëm.

Prej muajsh rreth 1000 familje kanë patur probleme me furnizimin e ujit të pijshëm.

Tubacionet janë të shkatërruara deri në atë masë sa uji i pijshëm derdhet rrugëve. Pavarësisht ankesave, bashkia nuk merr asnjë masë, se për ta interesi i qytetarëve është i fundit.

Por Bashkia nuk nguron në asnjë moment t’u marrë paratë qytetarëve, por shërbime nuk kryen.

E gjithë kjo situatë ka ardhur si pasojë e mungesës së investimeve në ujësjellës e cila sjell automatikisht ndotjen e burimeve dhe kjo ndikon në cilësinë e ujit duke rrezikuar seriozisht shëndetin e banorëve nga sëmundjet.

Duhet shtuar fakti se kjo është një zonë e varfër e cila e ka të pamundur blerjen e ujit të pijshëm për të plotësuar nevojat e përditshme familjare.

Është alarmante të besosh se asnjë investim i Ujësjellës Kanalizimeve nuk është bërë prej vitesh në këtë zonë dhe banorët përballen me mungesen e ujit të pijshëm, ndërsa faturimet vazhdojnë qetësisht.

I bëj thirrje autoriteteve përgjegjëse, në cilësinë e deputetet së zonës, të merren masa urgjente për furnizimin me ujë të banorëve.

Kurbini nuk duhet më të jetë me i nëpërkëmbur.

Ftoj banorët të reagojnë për të mbrojtur të drejtën e tyre.

Partia Demokratike do të jetë në krah tuajin.

Gjithashtu u bëj thirrje banorëve të Kurbinit Mirditës dhe Lezhës të jenë të pranishëm në protestën kombëtare më 7 tetor përpara Kryeministrisë./ CNA