web counter
LEXO PA REKLAMA!

SHKARKO APP

App Store
Google Play

E fundit!

x

Inceneratori që nuk ekziston thith gjysmën e buxhetit të Bashkisë së Durrësit

14 Shtator 2024, 12:00, Denoncim CNA

Inceneratori që nuk ekziston thith gjysmën e buxhetit të

Inceneratorët që nuk ekzistojnë apo janë thjesht ca kazanë me naftë që nuk punojnë po bien mbi kurrizin e qytetarëve të varfër të cilët paguajnë dhjetëra milionë euro në vit për mbetjet.

Këtë barrë po e mbajnë dhe qytetarët e Durrësit të cilët paguajnë për mbetjet por në fakt plehrat kanë pushtuar qytetin njësoj si në Tiranë.

Menaxhimi i mbetjeve po gllabëron rreth 40% të buxhetit të Bashkisë së Durrësit, një normë shumë herë më e lartë se bashkitë e tjera të vendit.

Kjo Bashki është rast unik se gjysmën e buxhetit e shpenzon për pastrimin e plehrave. 

Sipas KLSH, vitin e kaluar buxheti faktik i Bashkisë së Durrësit ishte 39.4 milionë euro gjithsej. Por 9.6 milionë euro nga këto shkuan për të financuar vetëm menaxhimin e mbetjeve.

Të dhënat e thesarit që u gjeneruan nga Open Data Albania tregojnë se që nga fillimi i vitit deri me datën 18 korrik, pra për rreth 7 muaj, ndaj inceneratorit që tashmë administrohet nga Agjencia e Pasurive të Sekuestruara janë kryer rreth 36 transaksione me një shumë që kalon 6.9 milionë eurosh.

Kjo vlerë përfaqëson pagesat nga bashkitë e Tiranës, Kamzës, Durrësit dhe Kavajës për transportin e mbetjeve në landfillin e Sharrës.

Të dhënat tregojnë se nga 9.6 milionë euro në vit që Bashkia e Durrësit paguan për menaxhimin e mbetjeve, 4.5 milionë euro janë rezultat direkt i vendimit të qeverisë për ta detyruar atë që të depozitojë mbetjet në Sharrë.

Pra, jo për shkak të rritjes së sasisë së mbetjeve që gjeneron Durrësi, por për shkak të inceneratorit.

Qytetet kryesore të vendit përballen me kosto të larta të trajtimit të mbetjeve dhe ndodhen para një emergjence mjedisore, pasi mbetjet e këtyre bashkive po grumbullohen në landfillet pranë inceneratorëve që nuk punojnë apo nuk ekzistojnë.

CNA ka treguar me pamje se landfilli i Sharrës është në prag katastrofe dhe ka tejkaluar limitet.

Bashkia e Durrësit lidhi kontratë me kompaninë “Integrated Energy BV SPV”, e cila menaxhon inceneratorin e Tiranës dhe që prej shtatorit 2021 i sjell mbetjet në Tiranë me një kosto prej 3500 lekësh/ton, pa TVSH./ CNA





Lajmet e fundit nga