web counter
LEXO PA REKLAMA!

SHKARKO APP

App Store
Google Play

E fundit!

x

Alarmi, suplementet mjekësore të falsifikuara nga kompani farmaceutike/ Apeli për institucionet

3 Shtator 2024, 10:46, Denoncim CNA
Alarmi, suplementet mjekësore të falsifikuara nga kompani
Foto ilustruese

Një fenomen, që në fakt është një kambanë alarmi për shëndetin e njerëzve, janë suplementet e ndryshme të cilat reklamohen çdo ditë në ekranet shqiptare dhe përtej.

Çdo ditë, në orë të ndryshme të ditës, jepen reklama të cilat u flasin njerëzve për suplemente të ndryshme që sipas tyre ndihmojnë në trajtimin e problemeve të ndryshme shëndetësore.

Për të reklamuar këto produkte, kompanitë marrin personazhe të njohur publikë, madje edhe njerëz të zakonshëm, që sipas tyre kanë përdorur suplementet apo ilaçet dhe kanë mbetur të kënaqur nga efekti i suplementeve.

Por, nuk dihet nëse në kartelën e tyre shëndetësore, ata janë të diagnostikuar me problemet për të cilat reklamojnë ilaçet dhe forma e përdorimit të tyre është një tjetër skandal.

Përdorues suplementesh dhe medikamentesh që janë jashtë kontrollit apo edhe të falsifikuara. Shumë produkte suplementesh dhe medicinale futen edhe kontrabandë nën justifikimin se janë më cilësore pasi vijnë nga vendet e BE-së, por në fakt askush nuk jep garanci se mund të jenë false, me data skadence të ndryshuara etj.  

Një fakt edhe më shumë shqetësues është veçanërisht ai i përdorimit të suplementeve të llojeve të ndryshme. Suplementet mjekësore të reklamohen në farmaci dhe kanë burim kompani të ndryshme.

Shumë prej këtyre suplementeve janë ndryshe nga sa përmban etiketa dhe për çfarë ato reklamohen. Kjo lidhet me faktet që përmendëm më sipër nga mungesa e kontrollit, analizave kontrabandë, burimi i prodhimit totalisht i falsifikuar apo deri te mospërputhja e kodeve të tyre me ato origjinale të prodhuesit të vërtetë.

Çfarë ndodh?

Nuk është e rëndësishme që në reklamë shfaqen njerëz publikë dhe reklamojnë një produkt që sipas tyre ndihmon njerëzit të trajtojnë problematikat e tyre, por gjithmonë duhet këshillimi i mjekut apo certifikatat e këtyre produkteve që janë me problematika thelbësore.

Reklama suplementesh që mund të marrin jetë njerëzish me apo pa vetëdije. Kjo për faktin se në vend që të kurohen te specialistët humbasin kohë dhe rrezikojnë shëndetin e tyre duke përdorur produkte suplementare me besimin se i ndihmojnë dhe ju përmirësojnë shëndetin.

Burime për CNA thonë se ka kompani farmaceutike që tregtojnë suplemente të falsifikuara dhe të një cilësie skandaloze që ndikojnë keq në shëndetin e grave, pleqve dhe fëmijëve.

Vitamina apo suplemente të tjera që janë të falsifikuara që në origjinë, pretendohet se janë të një kompanie të madhe nga jashtë, por në fakt janë thjesht prodhime të falsifikuara deri te prodhimi në qilare.

Institucionet përgjegjëse shtetërore duken vetë të përfshira në këtë megaskandal, për shkak të moskontrollit dhe vlerësimit të këtyre lloj produkteve.

Prokuroria shpesh mbyll hetimet për këto çështje për shkak të influencës së madhe të kompanive shpërndarëse. Qytetarët, që janë taksapaguesit e institucioneve që duhet të monitorojnë, po rrezikojnë shëndetin e tyre me suplemente të pakontrolluara, ndërsa zyrtarët ngrohin karriget dhe xhepat e tyre ndoshta duke i pirë dhe vetë këto suplemente që në vend të stimulimit apo ndihmës për shëndetin mund të sjellin pasoja tepër të rënda deri në rrezik për jetën./ CNA





Lajmet e fundit nga