web counter
LEXO PA REKLAMA!

SHKARKO APP

App Store
Google Play

E fundit!

x

Fusha “Sporti i vogël”, në mëshirë të fatit/ Bashkia ndërhyn pas denoncimit të CNA-së

19 Korrik 2024, 11:43, Denoncim CNA
Fusha “Sporti i vogël”, në mëshirë të
Pamje nga fusha "Sporti i vogël"

Një javë pas ngritjes së shqetësimit nga CNA dhe apelit të qytetarëve korçarë në lidhje me "Sportin e Vogël", Bashkia e Korçës reagon duke pastruar fushën sportive dhe barin që kishte mbuluar stolat përreth saj.

Ky aset sportiv mbart në vetvete vlera mjaft të mëdha të lojërave me dorë, të cilat dikur mblidhnin qindra sportdashës pranë fushës për të ndjekur ndeshje të ndryshme, volejbolli, basketbolli, mundje etj.

Në pamjet e siguruara nga CNA një javë më parë dukej panorama e shëmtuar e degradimit të fushës dhe ambienteve të saj, me barin që kishte mbuluar totalisht stolat, me fushën që mbulohej nga uji në rast reshjesh.

Ndonëse qytetarët nëpërmjet intervistave kanë treguar rëndësinë e këtij ambienti sportiv dhe me plot keqardhje kanë thëne se prej vitesh nuk është vënë dorë, sërish duket se kjo masë e marrë nga bashkia është shumë e vogël para investimit që duhet të bëhet për shkak të rëndësisë që ky aset ka.

Ka qenë viti 2015 hera e fundit kur është ndërhyrë nga bashkia për rregullimin e ambienteve të "Sportit të vogël", ndërkohë që nuk jepet informacion nese do të ketë një projekt apo tjetër investim pas kaq shumë vitesh për ta kthyer fushën në funksionalitet të plotë për të gjithë sportdashësit korçarë./ CNA





Lajmet e fundit nga