Institucioni në varësi të Ministrisë së Financave merr tatëpjetën/ Largime dhe punësime pa kriter

11 Korrik 2024, 16:29, Denoncim CNA

Institucioni në varësi të Ministrisë së Financave merr

Foto ilustruese

Institucioni në varësi të Ministrisë së Financave, që ka emërtimin Agjencia e Menaxhimit të Garancive dhe Kredive të Pakthyera ka marrë tatëpjetën.

Ky institucion prej dates 08.04.2024 mbikëqyret dhe Drejtohet nga Sekretarja e Përgjithshme Znj. Risena Xhaja.

Kjo e fundit po ushtron presion mbi punonjësit dhe po e kthen institucionin në pronën e saj private.

Risena Xhaja ka bërë një sërë shkeljesh të Kodit të Punës.

Në fund të muajti Prill ka patur trazira me stafin pasi filloi nderet duke punësuar shoqen e saj Lusiena Kolaj si Përgjegjëse e Sektorit të Ndjekjes së Procedurave të Ekzekutimit Përmbarimor, por sot është drejtoresha juridike e AMGKP-së.

Institucioni në varësi të Ministrisë së Financave merr

Ky punësim u krye pa asnjë konkurs, asnjë kërkesë , asnjë respetkim të Kodit të Punës.

Më pas skandali vijon kur në 30.04.2024, 90% e punonjësve u është rishikuar kontrata e punës, edhe pse kontratat e lidhura midis tyre ishin pa afat, ato janë rilidhur sipas dëshirës së Drejtoreshës së Komanduar për Mbikëqyrje të AMGKP-së, duke detyruara kështu punonjësit të largohen me dorëheqje nga puna.

Më tej një tjetër shkelje është fakti që në këtë institucion punësimet bëhen pa kriter.

Vendet vakante po plotësohen me punonjës të rinj sa hap e mbyll sytë sikur janë në radhë te dera pa u respektuar asnjë afat, pa u zhvilluar asnjë konkurs siç thotë Kodi i Punës.

Në e-mailin drejtuar ministrit të Financave Ervin Mete, nga stafi i këtij institucioni renditen të gjitha shkeljet që po bëhen në institucionin në varësi të Ministrisë së Financave.

Kështu, stafi i kërkon ministrit Mete të marrë masa për këtë skandal që po ndodh në Agjencinë e Menaxhimit të Garancive dhe Kredive të Pakthyera pasi çdo ditë janë në presion nga drejtoresha e dytë e komanduar Lusiena Kolaj.

E-mail drejtuar Ervin Metes, ministrit të Financave

Përshëndetje,

I nderuar,

Ministër i Financave, Z. Ervin Mete, dua të ndaj me ju një problem madhor për atë që po ndodh aktualisht në njërin prej institucioneve që ju keni në varësi.

Institucioni ka emërtimin Agjencia e Menaxhimit të Garancive dhe Kredive të Pakthyera, i cili ka të punësuar 30 (tridhjetë) punonjës.

Ky institucion prej datës 08.04.2024 mbikëqyret dhe drejtohet nga sekretarja e përgjithshme, znj. Risena Xhaja.

Nga momenti i marrjes në dorë nga SP. Znj. Risena Xhaja institucioni mori tatëpjetën, duke ushtruar presion mbi punonjësit dhe duke e kthyer në pronë private.

Urdhri i parë nga ajo ishte: vula e institucionit nuk do rri në protokoll, por do ta mbante në zyrën e saj në ministri. Çdo shkresë që duhet të firmosej dhe vulosej duhet të paraqiteshim te zyra e saj. AMGKP-ja ndodhet te rruga “Rrapo Hekali” distanca me Ministrin e Financave është rreth 3.3 kilometër, sekretarja e institucionit dhe protokolli duhet të bënin mbi 5 herë vajtje-ardhje për të firmosur vulosur dokumentacionin.

Në fund të muajit prill filluan trazirat me stafin. Drejtoresha e komanduar filloi nderet me shoqërinë ku pa asnjë konkurs asnjë kërkesë asnjë respektim të Kodit të Punës ajo punësoi shoqen e vet të përbetuar, Lusiena Kolaj (mjafton të bësh “search” në Google për këtë individ shfaqen ngjarjet që ka pasur në ASHK Durrës), si Përgjegjëse e Sektorit të Ndjekjes së Procedurave të Ekzekutimit Përmbarimor, por sot që flasim është drejtoresha juridike e AMGKP-së.

Me 30.04.2024, 90% e punonjësve u është rishikuar kontrata e punës, edhe pse kontratat e lidhura midis tyre ishin pa afat, ato janë rilidhur sipas dëshirës së Drejtoreshës së Komanduar për Mbikëqyrje të AMGKP-së.

Për shkak të shkeljeve të kontratës së punës një pjesë e punonjësve u larguan me dorëheqje dhe një pjesë po durojnë presionin që u bëhet çdo ditë.

Vendet vakante po plotësohen me punonjës të rinj sa hap e mbyll sytë sikur janë në radhë te dera pa u respektuar asnjë afat, pa u zhvilluar asnjë konkurs siç thotë Kodi i Punës.

Një punonjës i ri duhet të firmosë një kontratë 3-mujore për periudhë prove e më pas deri në 3 vite punë firmoset çdo vit dhe mbi 3 vite firmoset kontrata me afat të pacaktuar, por kjo gjë për Drejtoreshën nuk është problem sepse ka lapsin dhe letrën.

Me pas janë dhe rastet ku ka punonjës që kanë Master Professional dhe janë të punësuar me kontratë pa afat dhe punonjës me Master Shkencor me kontrata 7-mujore.

Po ju veçoj një rast, ku specialistja e Burimeve Njerëzore, Entela Hoxha, është kaluar në sektorin e informacionit sepse duhet të lironte vendin për Aisel Haskajn, që nuk përmbushte kriteret për të qenë përgjegjës sektori juridik se nuk ka Master Shkencor, por vetëm Bachelor, duhej zgjidhur çështja sepse ai kishte futur mik (MAMIN që punon në gjykatë ) te SP dhe kështu Aisel Haskaj (me Bachelor) është specialist i Burimeve Njerëzore, por është komanduar Përgjegjës Sektori Operacional dhe Juridik dhe Entela Hoxhaj është specialiste te sektori administrimit dhe informacionit, por është komanduar specialiste e Burimeve Njerëzore, se duhej bërë nderi.

Vijojnë prurjet e reja pa u shqetësuar dhe respektuar asnjë afat ligjor.

Do t’ju lutesha shumë të merrni masa pasi këtu është bërë katrahurë dhe jemi në tension çdo ditë nga presioni që shkakton drejtoresha e dytë e komanduar, Lusiena Kolaj.

Shpresojmë si staf të merret parasysh nga ana juaj ky e-mail.

Ju faleminderit!/ CNA