web counter
LEXO PA REKLAMA!

SHKARKO APP

App Store
Google Play

E fundit!

x

Tjetër skandal në QSUT/ Mungojnë medikamente jetëshpëtuese

16 Korrik 2024, 22:46, Denoncim CNA
Tjetër skandal në QSUT/ Mungojnë medikamente
QSUT

Skandalet në sistemin shëndetësor nuk kanë të sosur.

Përveç Onkologjikut që tronditi opinionin publik, duket se QSUT është kthyer në makth për pacientët, për shkak të mungesave në medikamente.

Së fundmi është denoncuar një tjetër rast tronditës, për mungesën e medikamentit Rukonest, një mjekim jetëshpëtues për alergjinë.

Adriatik Lapaj nga lëvizja “Shqipëria Bëhet” paralajmëroi ministren e Shëndetësisë Albana Koçiu, se do të ketë kallëzime në Prokurorinë e Posaçme.

“Nuk është problemi tek 5 mjekë por tek një sistem që nuk siguron ilaçe. Mund të mos kemi autostradat, teatrot e pishinat sportive më të mira në botë por nuk mund të mendohen tavanet në buxhet për ilaçe. Po ju paralajmëroj, edhe mjekët e shoqëria duhet të reagojnë. Çfarë do të thotë Ministria nëse nesër një nga pacientët ndërroj jetë? Thirrje ministres së Shëndetësisë, do të shihemi në SPAK për këtë çështje dhe të tjera. Thirrje Ramës, siguro ilaçe dhe hiq dorë nga avionët privatë”, tha Lapaj.

Në fund të muajit qershor, u bë publik një tjetër skandal në Spitalin Onkologjik, ku akuzohen për “shpërdorim detyre” 7 persona, përfshirë mjek, Koordinator dhe infermier të QSUT-së po hetohet nga Prokuroria e Posaçme./ CNA





Lajmet e fundit nga