web counter
LEXO PA REKLAMA!

SHKARKO APP

App Store
Google Play

E fundit!

x

Kreu i KLSH-së: Mjekët dhanë ilaçe me rimbursim në emër të të personave të pajetë

16 Korrik 2024, 20:13, Denoncim CNA
Kreu i KLSH-së: Mjekët dhanë ilaçe me rimbursim në
Kreu i Kontrollit të Lartë të Shtetit, Arben Shehu. Burimi, LSA

“Onkologjiku është vetëm maja e Ajsbergut!”

Kështu ka deklaruar kreu i Kontrollit të Lartë të Shtetit, Arben Shehu, gjatë raportimit të tij në Komisionin e Ekonomisë.

Në një auditim të KLSH-së për të cilin është bërë dhe kallëzim, kryer tek Fondi i Sigurimit të Detyrueshëm të Kujdesit Shëndetësor, ka rezultuar se në vitet 2021-2022, se nga mjekët e familjes janë lëshuar receta me ilaçe rimbursimi për 60 qytetarë (24 raste në 2021 dhe 36 raste në 2022) që kishin ndërruar jetë, me vlerë totale 372,361 lekë.

“Situata në Onkologjik është pika fundore e përgjegjësisë. Ne kemi edhe raste ku janë bërë trajtime për shtetas që nuk jetojnë më”, tha Shehu.

Gjatë prezantimit të raportit të KLSH për vitin 2023, Arben Shehu tha se audituesit kanë konstatuar 72.3 miliardë lekë dëm ekonomik për shkak të keq menaxhimit të fondeve publike dhe shkeljeve ligjore të kryera nga administrata shtetërore dhe vendore./ CNA





Lajmet e fundit nga