web counter
LEXO PA REKLAMA!

SHKARKO APP

App Store
Google Play

Galeria “NAAN” në Bllok dhe vila pa zot që Ajola Xoxa e përdor pa pagesë

16 Korrik 2024, 19:05, Denoncim CNA
Galeria “NAAN” në Bllok dhe vila pa zot që Ajola Xoxa e
Fotomontazh - Ajola Xoxa dhe galeria “NAAN” në Bllok

Kjo vilë që shihni në foto ndodhet në zemër të Tiranës, në zonën më të shtrenjtë të kryeqytetit.

Në këtë super ndërtesë zhvillon pasionin e saj për artin, Ajola Xoxa.

Në këtë godinë ndodhet Galeria “NAAN”. Galeria më e famshme e Tiranës ka të instaluar edhe një tra parkingu me pagesë nga Bashkia Tiranë. Kjo godinë, sipas asaj që deklarojnë vetë përfaqësuesit e “NAAN”, i është dhënë për bamirësi Ajola Xoxës, nga pronari/pronarët anonim.

Galeria “NAAN” në Bllok dhe vila pa zot që Ajola Xoxa e
“Harabeli” i Ajola Xoxës deklaron se nuk paguan qira

Meqë ata nuk dinin për çfarë ta përdornin ia lanë në ruajtje Ajolës, që ajo të zhvillojë aty pasionet e veta të kurimit të pasioneve të artistëve.

Vila, deklarohet se i është dhënë në përdorim “Harabeli”-t të Ajolës pa afat dhe pa asnjë lloj shpërblimi.

Pronari bile në shenjë paqeje, edhe oborrin ja ka lënë në përdorim Bashkisë Tiranë, që kjo të nxjerrë sa fitime të mundet, duke e shfrytëzuar si parking publik me pagesë.

Godina ndodhet në mes të bllokut, menjëherë pas “KFC”-së, ndërmjet godinës se fast food-it të famshëm dhe një godine që duket si kishë protestante.

Galeria “NAAN” në Bllok dhe vila pa zot që Ajola Xoxa e
Galeria “NAAN” në Bllok

Rastësisht Lali Eri bën sikur është edhe protestant përveç të tjerave.

Jemi shumë të interesuar të kuptojmë, kush është pronari i ndërtesës dhe nëse edhe rikonstruksionin e godinës e ka bërë ai vetë me shpenzimet e veta.

Ka dhe njerëz të mirë Tirana, ka!/ CNA





Lajmet e fundit nga