web counter
LEXO PA REKLAMA!

SHKARKO APP

App Store
Google Play

E fundit!

x

“Bashkia e Tiranës, 80 mijë euro në ditë për inceneratorin inekzistent”

22 Gusht 2024, 12:15, Denoncim CNA
“Bashkia e Tiranës, 80 mijë euro në ditë për
Fotomontazh - Erion Veliaj, në sfond Bashkia e Tiranës

Një denoncim është bërë këtë të enjte në lidhje me pagesat për inceneratorin inekzistent të Tiranës.

Gjatë fjalës në protestën kundër Erion Veliajt, Tedi Blushi i PL-së tha se Bashkia e Tiranës po vijon pagesat.

Ai deklaroi se Bashkia e Tiranës jep 80 mijë euro në ditë për inceneratorin ekzistent.

“330 mln euro është buxheti i bashkisë, ose 1 mln euro në ditë ka buxhet ky institucion për të shpenzuar për këtë qytet, për të dhënë më shumë shërbime, për të garantuar ujë të pijshëm, shkolla, rrugë të mira, dhe çdo shërbim përfshirë edhe ato pak lulishte që për fat të keq janë kthyer në sheshe ndërtimi për kullat e drogës.

I vetmi shërbim që për 3 mandate në krye të kësaj bashkie ka garantuar Erion Veliaj është pikërisht avancimi i aferës së plehrave. Është i vetmi shërbim që vazhdon pa asnjë pengesë, as nga drejtësia, që ende nuk vazhdon të ndërpresë pagesat për një shërbim që nuk kryhet.

Por ndërkohë që 80 mijë euro në ditë shkojnë në xhepat e pronarëve të inceneratorit faktik të inceneratorit të Tiranës, Këshilli Bashkiak nuk mblidhet për të ndarë lëmoshën për familjet në nevojë. 1200 lekë të vjetër jep në ditë ky institucion për qytetarët më në nevojë të kësaj bashkie.

80 mijë euro në ditë paguhet për një shërbim që nuk kryhet. A mund të tolerojmë ne që ky kryetar bashkie që me taksat dhe djersën tuaj të pasurohet dhe ndërkohë ju të vuani për ujë të pijshëm në vitin 2024”, theksoi Blushi./ CNA





Lajmet e fundit nga