web counter
LEXO PA REKLAMA!

SHKARKO APP

App Store
Google Play

E fundit!

x

“Terrori” i autostradës Tiranë-Elbasan/ Makthi nga trafiku për orë të tëra

9 Gusht 2024, 16:54, Denoncim CNA
“Terrori” i autostradës Tiranë-Elbasan/ Makthi nga trafiku
Autostrada Tiranë-Elbasan

Autostrada Tiranë-Elbasan është trumbetuar si një nga akset rrugore që do të shkurtonte distancën mes kryeqytetit dhe qyteteve si Elbasani, Librazhdi, Pogradeci, Korça e të tjerë.

Autostrada Tiranë - Elbasan është 27 km e gjatë, me 4 korsi, ndërsa tuneli është 2.5 km i gjatë, me 7 mbikalime, 21 viadukte dhe 4 nënkalime.

Por ajo që ndodh pothuajse në çdo sezon si veror ashtu dhe dimëror në këtë aks është kthyer në një makth për të gjithë udhëtarët.

Pika që "terrorizon" qytetarët që duhet të udhëtojnë drejt Elbasanit apo Librazhdit apo qyteteve të tjera është Bradasheshi.

Rrethrrotullimi i Bradasheshit kthehet në një "terror" për qytetarët të cilët mbeten për orë të tëra të bllokuar në këtë pikë, në trafik, në radhë kilometrike automjetesh.

Kjo situatë ndodh jo vetëm gjatë sezonit turistik, po ashtu dhe gjatë sezonit të festave të fundvitit apo edhe në ditë të zakonshme.

Trafiku me orë të tëra lë të paralizuara me qindra automjete që në fundjavë udhëtojnë drejt Elbasanit apo qyteteve të tjera.

CNA ka raportuar me dhjetëra raste një "terror" të tillë që ndodh në autostradën Tiranë-Elbasan.

Prania e policisë rrugore në këtë pikë të nxehtë trafiku apo krijimi i një bypass-i apo do të ndihmonte në zgjidhjen e ngërçit që krijohet në Bradashesh. Rastin më të fundit të makthit të trafikut, CNA e ka raportuar sot.

Trafiku i rënduar mesditën e kësaj të premteje në autostradën Tiranë-Elbasan ka bllokuar qarkullimin e automjeteve në zonën e Bradasheshit. Është e nevojshme që për këtë kaos të gjendet një zgjidhje.

Kemi një autostradë 27 km të gjatë, me 4 korsi, me një tunel 2.5 km të gjatë, me 7 mbikalime, 21 viadukte dhe 4 nënkalime por që automjetet bllokohen me orë të tëra në rrethrrotullimin e Bradasheshit.

Po ashtu punimet intensive po kryhen në aksin Elbasan-Qafë Thanë , një tjetër pikë kyçe që do të shkurtojë distancat me Juglindjen, ndaj dhe kaosit që krijohet në rrethrrotullimin e Bradasheshit i duhet dhënë një zgjidhje, që kjo të mos jetë një pikë terrori për qytetarët të cilët duhet të ndeshen me të sa herë duhet të udhëtojnë drejt Elbasanit, Librazhdit e të tjerë./ CNA 

 





Lajmet e fundit nga