web counter
LEXO PA REKLAMA!

SHKARKO APP

App Store
Google Play

Linja “Air Albania” “rreshtore” në Malpensa/ Lë në pritje për më shumë se 3 orë udhëtarët 

28 Korrik 2024, 19:29, Denoncim CNA

Linja “Air Albania” “rreshtore” në Malpensa/

Kompania e fluturimit “Air Albania” ka lënë më shumë se tre orë pasagjerët e saj të presin për një udhëtim të planifikuar nga Malpensa në Tiranë.

Sipas një denoncimi të mbërritur në CNA, orari i nisjes së fluturimit nga Malpensa për në Tiranë ka qenë në orën 14:50 dhe sipas parashikimit avioni duhet të mbërrinte në Tiranë në orën 16:45.

Kjo nuk ka ndodhur. Pasagjerët kanë pritur me orë të tëra të njoftohen për një tjetër orar nisje.

Linja ajrore e "Air Albania" ka bërë "rreshtore" me pasagjerët duke i lënë në pritje me orë të tëra.

Pasagjerët kanë hipur në një tjetër avion por kanë zbritur sërish pasi sipas denoncimit ka patur probleme me kondicionerët.

Fluturimi është shtyrë me rreth 3 orë e 25 minuta , duke u nisur në orën 18:15 për të mbërritur në Tiranë në orën 20:10.

Linja “Air Albania” “rreshtore” në Malpensa/

Kështu kjo kompani ka shqetësuar pasagjerët të cilët nuk kanë mundur të udhëtojnë në orën e planifikuar dhe kanë denoncuar rastin.

Kjo nuk është hera e parë që kjo kompani ka patur probleme me vonesat. Edhe herë të tjera Air Albania është denoncuar për vonesa apo edhe anulimet të udhëtimeve./ CNA

 





Lajmet e fundit nga