web counter
LEXO PA REKLAMA!

SHKARKO APP

App Store
Google Play

E fundit!

x

Skandali/ Produktet kozmetike kontrabandë jashtë kontrollit, rrezik për qytetarët

3 Shtator 2024, 12:35, Denoncim CNA
Skandali/ Produktet kozmetike kontrabandë jashtë kontrollit, rrezik
Foto ilustruese

CNA ka denoncuar rastin e mallrave kontrabandë ku raportoi në 21 korrik të 2024 se policia kishte nisur një aksion, ku kishte zbuluar rreth 3 mijë produkte kontrabandë në subjektin "Global Cosmetics & Distribution".

Policia sekuestroi sasi të konsiderueshme shamposh, kremrash apo bojërash flokësh si dhe shpalli në kërkim dy persona, administratoren e kompanisë “Global Cosmetics & Distribution”, Tea Karanxha dhe Ergys Mezini.

Përpos një vepër penale është një problematikë të cilën CNA e ka denoncuar në shumë raste.

Çështja nuk është te kontrabanda, por te mashtrimi dhe rreziku që u kanoset qytetarëve shqiptarë nga produktet e kontrabanduara, pasi mund të jenë jashtë afateve të skadencës apo me kode të falsifikuara.

Duhet të sqarojmë që këto produkte kontrabandë mund të jenë edhe origjinale, të marra nga kompani të certifikuara, por ato mund të jenë blerë jashtë afateve të përdorimit dhe si rrjedhojë përbëjnë një rrezik për konsumatorët.

Fakti që ndodh është shumë shqetësues pasi, kontrabandistët shqiptarë marrin produkte të skaduara apo të pacertifikuara, ndryshojnë kodet apo datat dhe ua servirin qytetarëve shqiptarë si produkte cilësore.

I blejnë produktet kozmetike me çmime të ulëta jashtë vendit, në prag skadence dhe më pas i fusin në treg, edhe pse janë jashtë çdo standardi garancie apo sigurie.

Rasti i kontrabandës dhe tregtimit të produkteve kozmetike është flagrant dhe duhet menjëherë ndërhyrja e institucioneve, të bëhen verifikime, kontrolle të këtyre produkteve, pasi të gjitha pasojat bien mbi kurrizin e qytetarëve, mbi xhepat e tyre dhe më e rëndësishme mbi shëndetin e tyre, nga mashtrimet e kompanive të ndryshme kozmetike.

Institucionet duhet të ndalojnë vjedhjen dhe rrezikun që u kanoset qytetarëve nga produktet kozmetike të skaduara dhe kontrabandë që fshihen në qilarë, që rrezikojnë shëndetin e qytetarëve.

Çfarë rrezikojnë njerëzit nga produktet kozmetike të kontrabanduara?

Përdorimi i tyre rrezikon të shfaqë një sërë sëmundjesh në popullatë. Pasojat nisin nga djegia e flokëve, rënia e tyre, infeksione të ndryshme në lëkurë, duke çuar deri në tumor të lëkurës.

Ajo që është e rëndësishme në të gjithë fenomenin është se askush nuk garanton që këto produkte janë brenda standardeve dhe të shëndetshme, edhe pse të kontrabanduara, duke iu shmangur detyrimeve ligjore./ CNA

 





Lajmet e fundit nga