web counter
LEXO PA REKLAMA!

SHKARKO APP

App Store
Google Play

Çfarë rrezikojnë njerëzit nga produktet kozmetike të kontrabanduara?

23 Korrik 2024, 15:44, Aktualitet CNA
Çfarë rrezikojnë njerëzit nga produktet kozmetike të
Foto ilustruese

Një aksion i policisë të dielën zbuloi mallra kontrabandë në biznesin e fushës së kozmetikës, “Global Cosmetics & Distribution”.

Policia njoftoi se në ambientet e biznesit në Tiranë janë gjetur rreth 3 mijë produkte të ndryshme kozmetike, të cilat ishin kontrabandë.

Blutë sekuestruan 60 shampo, 20 maska floku, 260 bojë flokësh, si dhe 32 kremra flokësh. Gjithashtu shpallën në kërkim Tea Karanxhën dhe Ergys Mezinin.

Çfarë rrezikojnë njerëzit nga produktet kozmetike të
Ergys Mezini

Përtej kontrabandimit, një tjetër problem qëndron në faktin se produktet e sekuestruara përdoren në kozmetikë.

Askush nuk na garanton që këto produkte janë brenda standardeve dhe të shëndetshme.

Duke qenë kontrabandë, nuk dihen nga kanë hyrë, nuk dihet kush është prodhuesi, mund të jenë false, mund të jenë edhe të skaduara.

Ky rast që kanë kapur kontrabandë nuk mund të jetë thjesht se u kapën disa bidonë me shampo, sapun apo produkte kozmetike.

Thelbi i çështjes është te fakti se këto produkte mund të jenë jashtë standardit, nuk janë kontrolluar, nuk kanë kaluar në pikat e kufirit, nuk kanë certifikime dhe merren e shiten sikur të jenë në rregull.

Problemi nuk qëndron se u kap dikush që kishte produkte kontrabandë, por te fakti se ato janë të pakontrolluara nuk dihet në çfarë lloj rruge kanë hyrë në treg, nuk dihet ku janë marrë, në çfarë fabrike prodhohen.

Sot në treg produktet false dhe prodhuesit falsë janë me mijëra dhe pastaj mund të ketë pasoja për shëndetin. 

Pasojat nisin nga djegia e flokëve, rënia e tyre, infeksione të ndryshme në lëkurë, duke çuar deri në tumor të lëkurës.

Në këtë rast, ata që i vuajnë pasojat janë qytetarët, që përveç dëmeve shëndetësore që mund të kenë, kanë edhe kosto financiare për produkte jo të sigurta./ CNA





Lajmet e fundit nga