web counter
LEXO PA REKLAMA!

SHKARKO APP

App Store
Google Play

E fundit!

x

Basha, i tradhtuar nga ushtarët e tij/ Bejko: Nuk bëri asgjë për 7 muaj, as detyrën e tij si kryetar

23 Korrik 2024, 15:19, Aktualitet CNA
Basha, i tradhtuar nga ushtarët e tij/ Bejko: Nuk bëri asgjë
Roland Bejko

Tashmë Lulzim Bashën e kanë tradhtuar të gjithë ushtarët e tij. Roland Bejko, i njohur si një nga njerëzit më besnikë të tij, pas humbjes së vulës i ka dalë kundër.

Gjatë një interviste televizive, Bejko është shprehur se prej 7 muajsh Luli Basha nuk ka bërë asgjë, madje as detyrën e tij si kryetar.

“Basha nuk bëri asgjë për 7 muaj, as detyrën e tij si kryetar. E vërteta për konfliktin brenda PD që zgjati 3 vite duhet të zbardhet. E theksoj që ne sot që kemi qenë në betejë nuk marrim asnjë falënderim, por ndodh e kundërta edhe anatemohemi. Është më mirë të dalësh nga shtëpia për të bërë diçka sesa të rrish në shtëpi dhe të thuash përse nuk bëra.

E them për Bashën se kur për një vit të tërë nuk ndihet si kryetar partie nuk bëri një dalje apo një konferencë shtypi, siç bëri sot. Ka të drejtë për atë që thotë sot, por është shumë vonë.

Ftesa ishte e hapur që në fillim në momentin që u humb çështja e vulës. Basha nuk e bëri betejën e tij si kryetar i PD. E them se ftesa për grupim ishte e hapur për të, por nuk e bëri betejën si kryetar”, tha ai.

Sipas Bejkos Shqipëria ka nevojë për një forcë të re politike.

“Rekursi duhet të vazhdojë punën e vet, ndërsa një grupi që po merret me formatimin e diçka të re le të bëjë punën e vet. Unë them që Shqipëria ka nevojë për një forcë politike të re, që duhet të jetë një parti demokratike”, tha ai./ CNA





Lajmet e fundit nga