Rreziku që na kanoset nga mallrat kontrabandë/ Mashtrimet me produktet kozmetike

30 Korrik 2024, 13:32, Aktualitet CNA

Rreziku që na kanoset nga mallrat kontrabandë/ Mashtrimet me produktet

Foto ilustruese

Tregtia e paligjshme e mallrave të kozmetikës është një fenomen shqetësues në Shqipëri, i cili duhet luftuar nga autoritetet, pasi përveç dëmit ekonomik, rrezikohet edhe jeta e qytetarëve.(lexo këtu)

Rastet e mallrave të kontrabanduara janë denoncuar jo pak herë nga CNA-ja.

Mallrat kontrabandë të subjektit "Global Cosmetics & Distribution"

Pak javë më parë Seksioni i Krimit Ekonomik në Drejtorinë e Policisë Tiranë në bashkëpunim me Hetimin Tatimor të Drejtorisë së Përgjithshme të Tatimeve goditën aktivitetin e jashtëligjshën tregtar të subjektit të "Global Cosmetics & Distribution".

Në këtë subjekt me administratore Tea Karanxhën u gjetën sasi të konsiderueshme mallrash kontrabandë. Si rrjedhojë janë shpallur në kërkim Tea Karanxha dhe Ergys Mezini.

Tea Karanxha dhe Ergys Mezini

Ergys Mezini

Policia njoftoi se në ambientet e biznesit në Tiranë u gjetën rreth 3 mijë produkte të ndryshme kozmetike, të cilat ishin kontrabandë.(lexo këtu)

Sipas informacioneve që disponon CNA, dyshohet se ky biznes është financuar nga persona, të cilët dyshohet se zhvillojnë aktivitet tregtimin dhe shpërndarjen e lëndëve narkotike në shtete të Bashkimit Evropian.

Çfarë rrezikojnë njerëzit nga produktet kozmetike të kontrabanduara?

Këto raste kontrabande nuk mund të jetë thjesht se u kapën disa bidonë me shampo, sapun apo produkte kozmetike. Qytetarëve u rrezikohet shëndeti i tyre. Ata blejnë produkte duke shpenzuar, por nuk ka asnjë garanci për cilësinë e tyre.(lexo këtu)

Përdorimi i tyre rrezikon të shfaqë një sërë sëmundjesh në popullatë. Pasojat nisin nga djegia e flokëve, rënia e tyre, infeksione të ndryshme në lëkurë, duke çuar deri në tumor të lëkurës.

Ajo që është e rëndësishme në të gjithë fenomenin është se askush nuk na garanton që këto produkte janë brenda standardeve dhe të shëndetshme, edhe pse të kontrabanduara, duke iu shamangur detyrimeve ligjore.

Mashtrimet me skadencat

Një problem akoma edhe më shqetësues është mashtrimi me skandencat. (lexo këtu)

Mallrat e kontrabanduara të subjektit "Global Cosmetics & Distribution" nuk dihet se nga vinin, nga cili vend ishin inportuar, që ekziston mundësia që mund të jenë ndryshuar datat e skadencës me qëllim që të nxirreshin në treg për shitje për konsumatorët shqiptarë. Një rrezik i drejtpërdrejtë për shëndetin e konsumatorëve shqiptarë.

Duhet të sqarojmë këtu që këto produkte kontrabandë mund të jenë edhe origjinale, të marra nga kompani të certifikuara, por ato mund të jenë blerë jashtë afateve të përdorimit. Produktet kozmetike kur dalin në treg, prodhuesit u vendosin një afat që nuk shkon më shumë se 2 vjet, pra kanë skadencë. Nëse kalojnë afatin 2-vjeçar duhet të hiqen, sepse mund të shkaktojnë probleme te njerzërit.

Por, kontrabandistët shqiptarë shkojnë i marrim me çmime shumë të ulëta jashtë vendit, ose thuajse falas dhe më pas i futin në treg, edhe pse janë rrezikshme dhe të pasigurta.

Kjo është një situatë shumë flagrante dhe kërkohet menjëherë ndërhyrja e shtetit.

Nuk mjaftojnë vetëm një apo dy aksione policie, por në fakt duhet t'i shkohet deri në fund kësaj tregtie, jo vetëm të jashtëligjshme, por edhe të rrezikshme për jetën e shqiptarëve, të cilët shpenzojnë, por mashtrohen në blerje.

Tregtimi i mallrave kontrabandë dhe mashtrimet me skandencat, është një problematikë shqetësuese në të paktën 34 vjet pluralizëm./CNA