web counter
LEXO PA REKLAMA!

SHKARKO APP

App Store
Google Play

E fundit!

x

Situata me zjarret/ 7 vatra ende aktive, zonat problematike

30 Korrik 2024, 11:18, Aktualitet CNA
Situata me zjarret/ 7 vatra ende aktive, zonat problematike
Foto ilustruese

Ministria e Mbrojtjes njofton se në 24 orët e fundit ka vijuar pa ndërprerje puna për shuarjen e zjarreve në disa zona të vendit.

Janë shuar 13 vatra zjarri nga 20 të evidentuara në 24 orët e fundit, mes tyre edhe zjarri në fushën e mbetjeve në qytetin e Vlorës.

Vatrat e zjarrit janë aktive në fshatin Zogaj, Bashkia Tropojë, i cili është izoluar plotësisht në kufi me Bashkinë Has dhe vijon aktive me intesitet të ulët në veri të lagjes Hajdarmataj.

"Strukurat e pushtetit vendor të mbështetura nga Forcat e Armatosura po vijojnë operacionin në atë zonë. Po punohet për shuarjen e vatrës në fshatin Hoten, Bashkia Vau Dejës. Zjarri ka intensitet të ulët dhe nuk paraqet rrezik për zonat e banuara. Zjarri në fshatin Mal-Shëngjin, Bashkia Lezhë, i cili është aktiv prej disa ditësh ditësh, pasditen e djeshme u përhap menjëherë duke vënë në rrezik bizneset dhe zonat e banuara. Pas ndërhyrjes nga ajri është bërë e mundur shmangia e rrezikut për qytetarët", thuhet në njoftim. 

Ndërkohë sot vijon operacioni nga toka dhe ajri. Vijon të jetë aktiv zjarri në fshatin Zavalinë, Bashkia Elbasan, ku janë angazhuar në aksion strukturat e pushtetit vendor të mbështetura nga Forcat e Armatosura.

Po vijon puna edhe në dy vatra të tjera, në kodrat e ligenit të Viroit, në Gjirokastër dhe fshatin Lozhan, Bashkia Maliq.

"Mirënjohje për të gjitha forcat operacionale të angazhuara në këto operacione për shuarjen e zjarreve, një pjesë e të cilave shkaktuar qëllimisht nga dora e njeriut. U bëjmë thirrje banorëve të bëjnë kujdes! Ligji është i qartë dhe i rreptë për ata që ndezin zjarre!", thuhet në njoftim./CNA 





Lajmet e fundit nga