Zgjedhjet në Himarë/ Pelinku: Shtimi me 311 zgjedhës në listë, vlerë anormale

29 Korrik 2024, 13:35, Aktualitet CNA

Zgjedhjet në Himarë/ Pelinku: Shtimi me 311 zgjedhës në

Nënkomisionerja e KQZ-së, Lealba Pelinku

Nënkomisionerja e KQZ, Lealba Pelinku, ka bërë të ditur në mbledhjen e sotme të Komisionit Rregullator se listat e zgjedhësve në Himarë janë shtuar me 311 persona nga 2023-shi në 2024-ën.

Ndërkohë anëtarët e zgjedhur nga opozita në komision kanë ngritur shqetësimin për shtimin e zgjedhësve në listë në listën e zgjedhësve, duke iu referuar të dhënave të Drejtorisë së Përgjithshme të Gjendjes Civile.

Pelinku e quajti ndryshim vlerash anormal, dhe shtoi se do të dërgojë një kërkesë për informacion te Gjendja Civile për të shpjeguar këtë shtim të numrit.

Ajo që bie në sy, që është dhe gjetje e auditit, nëse krahasojmë ndryshimin e numrit të zgjedhësve, 2021 - 2023 rezulton që ka një ulje në vlerë absolute të 8 zgjedhësve, ndërkohë nga 4 prilli 2023, lista përfundimtare për zgjedhjet e 14 majit, dhe 10 korrik 2024, për zgjedhjet në proces rezulton se ka një rritje 252 në vlerë absolute, por ajo që bie në sy është numri 311 i zgjedhësve që i është ndryshuar vendbanimi.

Pra nga bashkitë e tjera janë regjistruar në Bashkinë Himarë lista përfundimtare e 4 prillit 2023. Numri total i zgjedhësve në zgjedhjet e 2023-shit ka qenë 22822 votues.

“Ajo që bie në sy, që është dhe gjetje e auditit, nëse krahasojmë ndryshimin e numrit të zgjedhësve, 2021 - 2023 rezulton që ka një ulje në vlerë absolute të 8 zgjedhësve, ndërkohë nga 4 prill 2023, lista përfundimtare për zgjedhjet e 14 majit, dhe 10 korrik 2024, për zgjedhjet në proces rezulton se ka një rritje 252 në vlerë absolute, por ajo që bie në sy është numri 311 i zgjedhësve që i është ndryshuar vendbanimi. Pra nga bashkitë e tjera janë regjistruar në Bashkinë Himarë. Nisur nga kjo gjetje, kemi të bëjmë me një ndryshim vlerash anormal, nga -8 në 252 apo 311 që janë votues me vendbanim të ri në Himarë, jemi në fazën e të drejtuarit me shkresë tek Drejtoria e Përgjithshme me Gjendjen Civile për të pasur një informacion lidhur me datat se kur është miratuar kërkesa e këtyre zgjedhësve për të ndryshuar vendbanimin", është shprehur Pelinku./ CNA