E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Çështja “Partizani”/ Argita Malltezi: SPAK-u nuk ka asnjë provë kundër Berishës

29 Korrik 2024, 12:21, Aktualitet CNA

Argita Malltezi

Argita Malltezi ditën e sotme në një konferencë për shtyp ka rrëzuar sipas saj pretendimet e SPAK-ut për dosjen “Partizani”.

Malltezi deklaroi se SPAK-u nuk ka asnjë provë kundër Berishës dhe baza për të cilën kërkohet vijimi i masës së arrestit për Berishën është ekzistenca e rrezikut për ikjen apo prishja e provave.

Malltezi tha se SPAK-u vijon me argumentin se Berisha është një ish-kryeministër, ish-president dhe deputet dhe mund të prishë provat.

Vajza e kreut të PD-së, Argita Malltezi, ka hedhur akuza se SPAK nuk po zgjat hetimet, por mashtrimet dhe fshehjet e dokumenteve.

"Baza tjetër për të cilën kërkohet vijimi i masës së arrestit për Berishën është ekzistenca e rrezikut për ikjen.

Në fakt në parlament, SPAK tha se masa ndaj Berishës po vendoset se nuk ka respektuar masat e para. Më pas, me urdhër politik ndryshoi vallja dhe SPAK ngre këtë pretendim. Asnjë provë nuk ka për këtë. SPAK thotë se ekziston rreziku i ikjes se i kanë mundësitë financiare. Kaq është argumenti i SPAK-ut.

SPAK-u thotë se duhen zgjatur masat se hetimet janë komplekse, por në fakt të vetmet gjëra që janë të stërzgjatura janë mashtrimet dhe fshehjet e dokumenteve nga SPAK-u. Ju e dëgjuat Dumanin që të thotë se po bëhet hetim pasuror për Berishën. Por hetimi pasuror për Berishën ka nisur që në ditën 1 të regjistrimit penal.

Nëse në 9 prill të vitit 2022, Edi Rama kërcënoi SPAK-un se nëse nuk do hetonte Berishën, do të thoshte se reforma ka dështuar dhe më pas SPAK lëshoi një karikator veprimesh hetimore.

Por në dosje ka plot dokumente që lidhen me kërkesë që janë bërë në ISKSH, ASHK, banka dhe institucione të tjera. Pra nuk është e vërtetë që Berisha po mbahet nën hetim se paska filluar tani hetimi pasuror ndaj Berishës. Jo, hetimi pasuror ndaj Berishës ka katër vjet që ka filluar.

Se pse gënjen Dumani, kjo është çështje e tij. Por njeriu nuk duhet të harrojë se deklaratat publike lidhen me integritetin e tij si njeri në radhë të parë, më pas me cilësinë e tij si jurist. Një njeri që gënjen në mënyrë publike, nuk e ka problem ta shkelë ligjin në çfarëdolloj forme.

Një njeri që mban në burg një njeri të pafajshëm nuk e ka problem fare të lëshojë një kriminel. Është shumë më e vogël vepra penale e lëshimit të një krimineli nga burgu se ajo e mbajtjes së një njeriu të pafajshëm në arrest pa prova. SPAK ka thënë se duhet të vijojë arresti se ekziston rreziku i prishjes së provave.

Përveç faktit që nuk ka asnjë provë, asnjë përmendje të Berishës, argumenti i vetëm që ofron SPAK-u dhe që e ka përsëritur gjykata në vendimet e tjera që ka marrë më përpara se kjo është perla, janë të gjithë në unison në gjetjet e tyre: Berisha është është ish-kryeministër, ish-president dhe aktualisht deputet dhe ka mundësi që të prishë provat dhe të influencojë dëshmitarët.

Pra, të kesh qenë një figurë nga më të lartat e hierarkisë shtetërore, qenka shkak për të të futur në arrest. Është shkak për të të futur në arrest, atëherë kur arresti është politik.

Këta nuk thonë se ekziston kjo provë apo ajo provë. Gjykata duhet të thotë se cilat prova ka tentuar të prishë Berisha. Për Malltezin nuk thuhet fare, ai qëndron në burg si shtesë. Absolutisht asnjë argument për Malltezin.

Për Berishën thuhet se ai është deputet dhe mund të prishë prova. D.m.th. po vendos një masë se tjetri është deputet i opozitës. A nuk është ky definicioni perfekt i të burgosurit politik sipas rezolutës së Këshillit të Europës të vitit 2012? Kur dikush burgoset në dhunim të garancive themelore të Konventës, për arsye të pastra politike dhe pa lidhje me një vepër penale, në mënyrë diskriminuese. Të gjitha këto i gjeni në çdo faqe të dosjes së klubit Partizani", tha Malltezi./ CNA