E fundit!

11:11 Kosova & Bota

Tërmeti i fuqishëm godet Greqinë

Një tërmet i fuqishëm me magnitudë 5.1 ballë të shkallës R...

Ekskluzive/ Zbulohet arsyeja pse Rama e shkarkoi Bledi Çuçin nga kryetar i grupit parlamentar

29 Korrik 2024, 09:27, Aktualitet CNA

Bledi Çuçi

Ka një mënyrë për të të larguar dhe për të të dhënë një leksion se ke gabuar. Mënyra më e mirë është ngritje në detyrë dhe mos i jep asgjë.

Ky ishte rasti i Bledi Çuçit, i cili në fakt nga ministër i Brendshëm, kaloi në kreun e grupit parlamentar të PS-së dhe tashmë ka marrë postin honorifik të nënkryetarit të Kuvendit pa asnjë lloj peshe politike në drejtimin e PS-së.

Ai i ka liruar vendin e tij Niko Peleshit, ish-ministër i Mbrojtjes, pas prezantimeve të djeshme të bëra në kongresin e socialistëve.

CNA ka zbuluar nga burime zyrtare nga brenda Rilindjes se cila ka qenë arsyeja e largimit të Bledi Çuçit. Kjo nuk lidhet me aktivitetin e grupit parlamentar, pasi Çuçi është parë mjaft aktiv në kryerjen e detyrës së tij, por gjithçka lidhet me disa deklarata të mbajtura javën e kaluar nga kreu i grupit parlamentar të socialistëve.

Bledi Çuçi, në një dalje të tij, bëri një mbrojtje publike të Erion Veliajt duke thënë se kryebashkiaku i Tiranës ishte më i suksesshmi në histori dhe kishte gjithë mbështetjen e grupit parlamentar të PS-së.

Diçka e cila jo vetëm që nuk ishte dakordësuar me grupin, por nuk kishte marrë asnjë konfirmim as nga vetë Kryeministri.

Pra, një mbështetje publike e panevojshme, e cila ishte një gafë politike kjo për faktin se socialistët vetë kanë vendosur një standard: Askush nuk do të mbështetet publikisht nga personat që pyeten apo po hetohen nga SPAK-u.

Pra, parimi se gjithkush ka përgjegjësi personale të shkojë ta zgjidhë me drejtësinë deri në momentet që drejtësia jep vendimin socialistët duhet të heshtin.

Ky rregull i vendosur nga kryeministri Edi Rama dhe i thyer nga Bledi Çuçi ka bërë që ky i fundit të largohet nga kreu i grupit parlamentar të socialistëve.

Këtë e ka mësuar dhe vetë Çuçi, i cili pasi ka gabuar e ka kuptuar me vonesë, por nuk ka pasur më kohë për reflektim. Ai është larguar nga kreu i grupit parlamentar të PS-së./ CNA