web counter
LEXO PA REKLAMA!

SHKARKO APP

App Store
Google Play

E fundit!

x

Pse ka frikë Arben Ahmetaj nga Mirel Mërtiri?

29 Korrik 2024, 23:17, Aktualitet CNA
Pse ka frikë Arben Ahmetaj nga Mirel Mërtiri?
Mirel Mërtiri

Ish-zv.kryeministri Arben Ahmetaj ka dhënë mbrëmjen e kësaj të hënë intervistën e dytë që pas ikjes nga Shqipëria.

Gjatë intervistës së parë, Ahmetaj mori në mbrojtje Mirel Mërtirin, personin që fshihet pas inceneratorëve, në kërkim nga SPAK-u.

Edhe në këtë intervistë të dytë, Ahmetaj mbrojti Mërtirin, të cilin e quajti djalë punëtor.

Ai pretendoi se Mërtirit ia kanë marrë biznesin dhe nuk ka gisht në aferën e inceneratorëve.

“Mireli, ai është viktimë. Një djalë dikur punëtor, këta e kanë përdorur dhe e kanë eliminuar dhe syrgjynosur. Mos e zini më Mirel Mërtirin, e gjithë historia është një zhvillim i teorisë së konspiracionit se Mërtiri dhe Zoto janë kokat. Kush e ka bërë Tiranën?

Pse ka frikë Arben Ahmetaj nga Mirel Mërtiri?
Ish-zv.kryeministri Arben Ahmetaj

Mirel Mërtiri është viktimë. Është përdorur. Mërtiri një djalë punëtor dikur, që ngrihej në orën 5 të mëngjesit, e futën në një rrugë me x, m, y, z, që do ta themi në detaje tek takimi ynë i tretë. I kanë thënë se, ai maskarai ju ka penguar. Unë nuk kisha fuqi t’i pengoja se nuk merrja dot pjesë në procedure”, deklaroi ai ndër të tjera.

Kështu, Ahmetaj mbrojti sërish Mërtirin, ndonëse ka fakte dhe prova se ky i fundit ka drejtuar një megaaferë që nis në Elbasan, shkon në Fier dhe më pas në Tiranë.

Pyetja që lind është: Ka frikë Ahmetaj nga Mërtiri apo janë bërë bashkë?

Ndoshta Mërtiri vazhdon ende historitë e tij me Veliajn dhe mediat e tij, apo nyjet politike që i lidhin.

Ahmetaj duhet ta denoncojë Mërtirin, por duket se e ka frikë në të paktën këto dy deklarime mediatike./ CNA





Lajmet e fundit nga