web counter
LEXO PA REKLAMA!

SHKARKO APP

App Store
Google Play

Ahmetaj: Më kanë ndjekur 2 herë në shtëpi dhe në lokal, më provokuan vajzën

29 Korrik 2024, 21:13, Aktualitet CNA
Ahmetaj: Më kanë ndjekur 2 herë në shtëpi dhe në
Ish-zv.kryeministri Arben Ahmetaj

Ish-zv.kryeministri Arben Ahmetaj ka denoncuar mbrëmjen e kësaj të hëne se është ndjerë I kërcënuar në Zvicër.

Ahmetaj tha në një intervistë për Çim Pekën se në dy raste e kanë ndjekur në banesën ku jeton dhe në lokalin ku pi kafe.

Gjithashtu, ai tregoi se në një rast i kanë provokuar edhe vajzën e vogël në Tiranë. Ish-zv.kryeministri theksoi se të gjitha rastet i ka depozituar te autoritetet zviceriane.

“Unë kam pasur dy episode. Një episod u tre qytetarë shqiptarë, njëri prej tyre me qëndrim në Zvicër, të cilët i njoh, nuk i bëj publike për qytetarët shqiptarë, nëse do të duhet një ditë për të verifikuar vërtetësinë e asaj që them, i them edhe me emër se cilët janë, kanë ardhur kanë bërë foto tek dera e pallatit dhe janë regjistruar rastësisht nga një njeri i imi, se çfarë kanë thënë. Një episod të cilin unë e kam ndarë me autoritet këtu, ku duke zbritur nga një ambient publik në ashensor, një bashkëqytetar që shprehte në mërmëritje dhe sipër egërsi dhe sharje dhe i njëjti person, në kafen ku unë pi kafen e paradites, se aq është dita ime në këtë vend, sërish aty përballë. E kam fotografuar, depozituar tek autoritetet, e kam marrë seriozisht, si ato tre kërcënimet të jetës time, plus atë provokim që i është bërë fëmijës tim në Tiranë, gocës time të vogël, Kelis dhe sigurisht që jam shumë alert, ashtu siç vetë kam deponuar në të tre shërbimet, të 6 emrat që janë iniciatorë të goditjeve të mundshme kundër meje dhe familjes time”, nënvizoi Ahmetaj./ CNA





Lajmet e fundit nga