E fundit!

19:37 Aktualitet

Mbahet protesta e 25-të kundër qeverisë, qytetarët ‘sfidojnë’ shiun

Këtë të mërkurë ka nisur grumbullimi i qytetarëve për prot...

Balluku, në Porto Palermo me Olen Çezarin/ "I rëndësishëm, ndërgjegjësimi i qytetarëve për një mjedis të pastër"

29 Korrik 2024, 16:00, Aktualitet CNA

Balluku, në Porto Palermo me Olen Çezarin/ "I

Olen Çezari dhe Belinda Balluku

Në kalanë e Porto Palermos mbahet edhe këtë vit edicioni i radhës i Porto Palermo Festival, një organizim i artistit të njohur Olen Çezari dhe që sjell në këtë zonë figura të rëndësishme të botës së artit dhe jo vetëm, si një promovim i shtuar ndaj vendit tonë.

Në prag të nisjes së edicionit të këtij viti me ndihmën e vullnetarëve bëhet pastrimi i të gjithë zonës. Një fushatë e cila ka në thelb sensibilizimin e qytetarëve për kujdesin që duhet të tregojnë ndaj mjedisit të përbashkët.

Zëvendëskryeministrja, njëherësh ministre e Infrastrukturës dhe Energjisë, Belinda Balluku, iu bashkua grupit të vullnetarëve për pastrimin e zonës përreth kalasë së Porto Palermos.

“Unë shpresoj shumë që kjo të mos mbetet vetëm me një ditë pastrimi nga vullnetarët apo disa ditë në vit, por të jetë një praktikë që Bashkia e Himarës duhet ta zhvillojë. Unë e di që ka pasur përpjekje edhe më përpara, por ama menjëherë pas zgjedhjeve këtu në Himarë jam e sigurtë që do të ketë një incentivim shumë më të madh të vetë bashkisë duke kuptuar që Porto Palermo është perlë e Shqipërisë, jo vetëm e Himarës dhe do një vëmendje të shtuar”, u shpreh Balluku.

E rëndësishme, shtoi më tej Balluku, është ndërgjegjësimi i qytetarëve për kujdesin që duhet të tregojnë e që duhet të nisë që nga moshat më të reja, pasi vetëm ndërhyrjet përmes strukturave shtetërore nuk mjaftojnë nëse nuk bashkëpunojnë edhe qytetarët.

“Propozimi për të vendosur në kurrikulën që nga klasa e parë deri në klasë të nëntë, një lëndë e cila do të jetë dedikuar ekologjisë, unë besoj që do të jetë zgjedhja më e mirë”, nënvizoi Balluku.

Për Olen Çezarin kjo nismë është një mesazh për qytetarët për kujdesin që duhet të tregojnë ndaj mjedisit dhe ruajtjes së tij, ndërsa vetë festivali sjell emra të rëndësishëm në Porto Palermo, një ndër pikat më të rëndësishme turistike të vendit, e cila tërheq gjithmonë e më shumë vizitorë./ CNA