web counter
LEXO PA REKLAMA!

SHKARKO APP

App Store
Google Play

Hapet gara për ndërtimin e portit të ri në Porto Romano/ Balluku: Dyfish më i thellë nga ai që kemi

30 Korrik 2024, 10:23, Aktualitet CNA
Hapet gara për ndërtimin e portit të ri në Porto Romano/
Belinda Balluku

Hapet gara për ndërtimin e portit të ri tregtar në Porto Romano. 15 kompani ndërkombëtare kanë shprehur interes për ndërtimin e portit të ri.

Në fjalën e saj, ministrja e Infrakstrukturës dhe Energjisë, Belinda Balluku, është shprehur se ky është një moment i veçantë për infrastrukturën e vendit.

Ministrja theksoi se do të ndërtojmë një port dyfish më të thellë nga ai që kemi sot në Durrës. 

"Moment i veçantë për infrasktrukturën e vendit. E kemi quajtur port të shqiptarëve, se do të lidhë shqiptarët. Në bashkëpunim me NATO-n kemi bashkëpunuar për financim në këtë port. Me portin tregtar në Porto Romano do të kemi dy porte në Durrës dhe Vlorë, portet komeraciale dhe marinat detare. Do ndërtojmë një port dyfish më të thellë nga ai që kemi sot në Durrës. Terminal kontejnerësh 3-fish më të madh", u shpreh Balluku.

Ajo shtoi më tej se brenda vitit 2024 do të dorëzohen 3 projekte të reja. 

"Do të dorëzojmë projektin e aeroportit të Vlorës, Unazën e Madhe të Tiranës dhe Tunelin e Murrizit", tha ajo.

Ndërtimi i portit të ri tregtar të Porto Romanos pritet të përfundojë brenda vitit 2026 me një kosto prej 427 milionë eurosh. Porti tregtar po zhvendoset në Porto Romano, për shkak se në Durrës do të ndërtohet porti turistik./CNA 

 





Lajmet e fundit nga