web counter
LEXO PA REKLAMA!

SHKARKO APP

App Store
Google Play

Hetimet e belgëve për 3.4 mln eurot në "Toyota Yaris"/ 14 persona të përfshirë

30 Korrik 2024, 11:57, Aktualitet CNA
Hetimet e belgëve për 3.4 mln eurot në "Toyota Yaris"/
Foto ilustruese

Detaje të reja kanë dalë nga dosja "Toyota Yaris", ku në vitin 2018 u sekuestruan 3.4 milionë euro në portin e Durrësit. 

Mësohet se një material i mbërritur nga autoritetet begle, duket se nuk do mbyllet vetëm me arrestimin e Drejtuesit të Prokurorisë së Vlorës, Aurel Zarka, pasi emra të tjerë dalin në skenë si të përfshirë në çështjen penale që njihet publikisht si dosja ‘Toyota Yaris’.

Personat e përfshirë në këtë dosje, dalin në bisedat në aplikacionin ‘Sky’ dhe si të implikuar në mbylljen e çështjeve penale të tjetërsimit të pronave në Himarë dhe Dhërmi.

Kujtojmë që çështja ‘Toyota Yaris’, nisi fillimisht në Durrës pas kapjes brenda në makinë të 3.4 milionë eurove dhe më pas u transferua për hetime të mëtejshme në Prokurorinë e Krimeve të Rënda, duke u orientuar hetimi për veprën penale të ‘Pastrimit të produkteve të veprës penale’ kryer në formën e ‘Grupit të strukturuar kriminal’.

Paralelisht me Krimet e Rënda në Belgjikë, prokurori Julien Moinil nisi një hetim për të zbuluar fijet e personave shqiptarë dhe belgë që ishin përfshirë në transferimin me kamionë nga Belgjika në Shqipëri të 3.4 milionë eurove.

Në Belgjikë janë vendosur disa persona nën hetim dhe mes të cilëve mësohet se është marrë i pandehur dhe avokati Radovan Çela.

Mësohet se deri në këtë fazë të hetimit, belgët kanë zbuluar gati 14 persona si të përfshirë në zbutjen e akuzave për personat e arrestuar në Shqipëri, duke i kërkuar SPAK-ut të veprojë në arrestimin e tyre.

Të hënën u arrestua në Vlorë drejtuesi i Prokurorisë, Aurel Zarka, si dhe hetuesja e Byrosë Kombëtare të Hetimit, Eriona Dautaj, njëkohësisht magjistrate në Shkollën e Magjistraturës.

Zarka është shoqëruar nga policia e Vlorës dhe është transferuar në Tiranë. Së bashku me Zarkën dhe Dautajn është arrestuar avokati Radovan Cela dhe biznesmeni Astrit Vladi./CNA





Lajmet e fundit nga