Denoncimi/ 3 tenderat e dyshimtë në Bashkinë e Tropojës, kompanitë konkurruese u skualifikuan nga gara

18 Shtator 2024, 16:57, Denoncim CNA

Denoncimi/ 3 tenderat e dyshimtë në Bashkinë e Tropojës,

Fotomontazh - Bashkia e Tropojës dhe Rexhë Byberi

Një denoncim ka mbërritur në redaksinë e CNA-së për Bashkinë e Tropojës, ku pretendohet abuzim me tenderat.

Bashkia e Tropojës, e drejtuar nga Rexhë Byberi, ka dhënë 3 tendera, procedurat e të cilëve dyshohet se nuk janë kryer në mënyrë korrekte, konform ligjit.

Bashkia e Tropojës

Rikonstruksioni i kanalit vaditës Ura Vigi i Vakës – Cërrnicë

Tenderi i parë është ai i rikonstruksionit të kanalit vaditës Ura Vigi i Vakës – Cërrnicë. Në këtë tender kanë konkurruar 3 kompanitë “NIKA”, “BOE HTSH & ‘Bajrami N’” dhe “Griald” sh.p.k.

Fondi limit ka qenë 33 787 957 lekë dhe fitues është shpallur më datë 30 gusht 2024 kompania “Griald” sh.p.k. Kjo e fundit e ka fituar këtë tender me vlerë 26 999 633 lekë.

Të dhënat për tenderin në “Open Data”

Ky tender, në “Open Data” rezulton me flamur të kuq, për skualifikim të të gjithë operatorëve konkurrues, përveç fituesit.

“Griald sh.p.k.” rezulton se ka marrë pjesë edhe në gara të tjera tenderimi, por është skualifikuar, ndërsa bëhet me dije se nuk ka dorëzuar ende punimet për tenderin “Rehabilitim i rrugës Lagja ''Hysenukaj'', të cilin e ka fituar sëbashku me kompaninë “Vllaznimi” sh.p.k.. Kjo e fundit ka pronar me 100 të aksioneve Bashkim Byberin, që sipas denoncimi në CNA është i afërm i kryebashkiakut të Tropojës.

Të dhënat në “Open Data” për tenderin e përbashkët

Të dhënat në “Open Data” për kompaninë “Vllaznimi” sh.p.k.

Rehabilitimi i ujëmbledhësit Zherka 1-2

Tenderi i dytë me ku raportohet se ka abuzim është rehabilitimi i ujëmbledhësit Zherka 1-2.

Në këtë tender ku ka pasur 6 garues, është shpallur fituese kompania “Asi Invest” sh.p.k., ku është 100% aksioner Shkëlqim Dezhgiu.

Të dhënat në “Open Data” për kompaninë “Asi Invest” sh.p.k.

Fondi limit ka qenë 9 739 487 lekë, ndërsa fituesi u shpall më 10 shtator 2024 me fond 8 090 904 lekë.

Edhe ky tender, ashtu si ai i pari, në “Open Data” rezulton me flamur të kuq për skualifikimin e të gjithë operatorëve konkurrues, përveç fituesit.

Të dhënat në “Open Data” për tenderin

Rikonstruksioni i shkollës 9-vjeçare Besëlidhja e Malësisë

Rikonstruksioni i shkollës 9-vjeçare Besëlidhja e Malësisë është tenderi i tretë i Bashkisë së Tropojës, ku ka pasur 10 operatorë konkurrues.

“MANE/S & NIKA” është shpallur fituese e tenderit me vlerën 55 277 700 lekë në 11 shtator të këtij viti, ndërsa fondi limit ishte 82 500 060 lekë.

Të dhënat në “Open Data” për tenderin

Sipas denoncimit në redaksinë e CNA-së, të 3 këto tendera janë të dyshimtë. Pretendohet se janë përjashtuar nga gara kompanitë konkurruese, megjithatë, vetëm për dy prej dyteë “Open Data” nxjerr flamur të kuq./ CNA