E fundit!

19:37 Aktualitet

Mbahet protesta e 25-të kundër qeverisë, qytetarët ‘sfidojnë’ shiun

Këtë të mërkurë ka nisur grumbullimi i qytetarëve për prot...

Kryebashkiaku i Tiranës, tender rreth 690 milionë lekë kompanisë që menaxhon Arbër Veliaj

25 Shtator 2024, 10:26, Denoncim CNA

Kryebashkiaku i Tiranës, tender rreth 690 milionë lekë

Fotomontazh - Erion Veliaj dhe Arbër Veliaj

Arbër Veliaj, vëllai i Erion Veliajt, është një nga njerëzit që dominon tregun e reklamave në Shqipëri.

Këtë gjë ai e bën me anë të kompanisë “Gogel”, të cilën e bleu në 2011. Tashmë, kjo kompani ka 100% aksioner “Gogel Holding”, e cila ka sërish pronar Arbër Veliajn.

Të dhënat e kompanisë "Gogel" në "Open Data"

Me anë të kësaj kompanie, vëllai i kryebashkiakut ka kapur tregun e marketingut. Një prej kompanive që Arbër Veliaj menaxhon është “One Albania”.

Vëllai i Veliajt merret me rrjetet sociale dhe me marketingun e “One Albania”, e cila në fakt përveçse kliente e Arbrit duket se është e lidhur drejtpërdrejt edhe me Veliajn.

Arbër Veliaj

“One Albania” ka fituar një tender nga Bashkia e Tiranës. Bëhet fjalë për tenderin me objekt “Shërbim për infrastrukturë të dedikuar optike dhe shërbime data”.

Në garë kanë marrë pjesë 6 kompani, përfshirë këtu edhe atë telefonike “Vodafone Albania”.

Megjithatë, më 20 shtator 2024, fituese e tenderit është shpallur “One Albania”, me vlerën 68 774 075 lekë, ndërsa fondi limit ishte 74 398 398 lekë.

Në “Open Data”, tenderi për shërbimin e internetit, të fituar nga kompania kliente e Arbër Veliajt, rezulton me flamur të kuq për skualifikimin e të gjithë operatorëve konkurrues.

Të dhënat për tenderin në "Open Data"

Më parë, ky shërbim kryhej nga “Albtelecom Albania”, që sot është kompania “One”. Edhe “Albtelecom” ishte kliente e kompanisë “Gogel” të vëllait të Veliajt, i cili i krijonte asaj fushatat e marketingut.