E fundit!

19:13 Aktualitet

Jorida Tabakun e merr malli për Erion Veliajn

Deputetja e Partisë Demokratike, Jorida Tabaku duket se e ...

Mediat e stanit “5D” dhe inceneratorëve, përballë SPAK-ut

Mirë bëjnë, ujë të zi t’i nxjerrin dosjes së Berishës, por lind dyshimi si do të reagonin ky grup apo të tjera grupe përfshirë dhe mediat e pushtetit kur të dalë dosja mal e Carlo Bollino-s, për shembull. Çfarë do na thonë?

21 Shtator 2024, 10:02, Opinione REDAKSIONALE

Mediat e stanit “5D” dhe inceneratorëve, përballë

Çfarë mund të presësh, që ky stan të nxjerrë ndonjë bulmet tjetër më shumë se ai që ka nxjerrë më përpara dhe faktet janë domethënëse. Po qahesh se i sulmoi Sali Berisha, kur kanë me dekada që nuk i kanë lënë soj e sorollop pa sharë, shpifur, ku me të drejtë, ku pa të drejtë, ku me inat, ku me intriga, 1001 të këqija.

Do ta raportonin kështu në lidhje me privatizimin e objektit, për të cilin në fakt heshtën, nuk thanë asnjë fjalë. Heshtje mafioze e medias.

Përtej qëndrimeve që mban në publik si i ndershëm, përfituesi i koncesioneve publike dhe pronave publike, Carlo Bollino, i cili nuk e mohon marrjen e ambienteve ku ka vënë TV e tij, por thonë siç e kanë marrë dhe TV e tjera me VKM, do ta merrte edhe ky. Apo "reklamat për fushatë" nga inceneratorët.

E në rast se edhe të tjerët e kanë marrë në shkelje të ligjit, kush janë përgjegjësit, duhet të shkojnë të japin llogari para drejtësisë si për tokën e Carlo-s, si për tokën e ndonjë tjetri.

Në fakt standardi i dyfishtë apo i trefishtë i mediave nuk ka të bëjë vetëm me Carlo Bollino-n apo të tjerët, megjithëse ai është fenomen italo-shqiptar.

Le të sjellim dhe të kujtojmë si e trajtuan këto media, pra këta që kanë marrë sëpatën për ta deformuar dosjen hetimore të Sali Berishës, sepse në qoftë se lexojnë nëpër rreshta ato që ka thënë SPAK-u do ta shohin më të besueshëm dhe më bindës për opinionin publik.

Sepse atje brenda ka shumë gjëra të rëndësishme, sikundër ka dhe budallallëqe dhe mbushje koti.

Faktet e “armiqve” të Berishës

Kujtojmë dosjen “5D”, si u trajtua nga këto media.

Carlo Bollino na tha se ishin disa ish-drejtorë, këtë e mori dhe “copy media” e Mero Bazes, një drejtor i larguar nga puna e kështu me radhë.

E nxorën dhe portalet anonime të paguara nga rilindja dhe servilët e jashtëqitjet e pushtetit, por në fund na doli se ishin gjithë drejtorët kryesorë dhe i gjithë zinxhiri komandues i Bashkisë së Tiranës.

Në atë rast nuk e thanë këtë fjalë, u përpoqën ta manipulonin gjënë.

Shkojmë tek inceneratorët...

E gjithë kjo kastë që përmendëm më sipër është e paguar nga inceneratorët, që nga media kryesore në vend “Top Channel”, “News 24”, “Report TV” e kështu me radhë.

Të gjithë mbajtën një qëndrim për drejtorët, por për inceneratorët kanë mbajtur qëndrim edhe më kriminal, jo vetëm kanë marrë para, por në rastin e fundit kur doli grupi i strukturuar kriminal heshtën pjesa më e madhe dhe përciptazi nuk dhanë as emrat, ata që tani nxjerrin dhe emrat e pastrueseve.

Shkojnë te komunalja, shkojnë te brezi i 7-të në një ngjarje të caktuar. Nuk ka të bëjë vetëm me Sali Berishën. Te rasti i inceneratorëve, grupi i strukturuar kriminal as emrat nuk pati kurajë t’ua thotë. U bllokuan dritaren gazetarëve. Dhe problemi që ka pikërisht ky “stan” mediash janë standardet e shumëfishta dhe jo vetëm kaq, është korrupsioni me pushtetin, dhe jo vetëm kaq, janë përfitimet nga pushteti, dhe jo vetëm kaq.

Përballë SPAK nuk është vetëm Berisha, Meta, ministra apo zyrtarë të Ramës janë edhe mediat e inceneratorëve dhe drejtorëve hajdutë të 5 D me kryetar Erion Veliajn. Jo me fjalë me dokumenta dhe fakte përtej politikës./CNA