E fundit!

19:13 Aktualitet

Jorida Tabakun e merr malli për Erion Veliajn

Deputetja e Partisë Demokratike, Jorida Tabaku duket se e ...

Një nga dhjetëra episodet absurde të SPAK-ut në dosjen “Berisha” dhe një ballafaqim i thjeshtë

20 Shtator 2024, 14:06, Opinione Luçiano Boçi

Një nga dhjetëra episodet absurde të SPAK-ut në dosjen

Luciano Boci

Në paragrafët episodikë me parashtresa politike, SPAK-u paraqet si argument të korrupsionit pasiv dhe aktiv, por dhe të pastrimit të parave:

a) pagesat që ARGITA MALLTEZI paska bërë për konsultat e vizitat mjekësore për z. BERISHA

b) për pushime për çiftin BERISHA

c) pagesat për studion ligjore për çështjen “non grata”.

Një logjikë e tillë e SPAK-ut nuk qëndron as ligjërisht dhe as moralisht.

Madje është falsitet ligjor.

Së pari, pagesat e bëra janë të vetëdeklaruara dhe janë transmetuar në kanale të ligjshme me shuma të justifikueshme nga ana e tyre.

Së dyti, si mund të quhet korrupsion kur fëmijët, sipas mundësisë së tyre, paguajnë për shëndetin, apo mbështetjen e prindërve të tyre?!!!

Cilit nen të Kodit i referohen prokurorët e SPAK-ut?!

Madje moralisht këtë e ka detyrë ta bëjë çdo fëmijë.

Dhe kjo gjë ndodh çdo ditë në realitetin shqiptar.

Sipas SPAK-ut, çdo ndihmë e tillë e pranuar, na qenka krim, korrupsion pasiv!???

Ku është parë e dëgjuar kjo?!!!!

E tmerrshme kjo!

E kundërta do ishte krim moral zoti SPAK!

Së treti pagesat për studion ligjore, çifti Malltezi i ka bërë për veten e vet dhe sigurisht dhe për z. Berisha.

Sipas SPAK-ut të paguash një studio ligjore avokatie për mbrojtjen e vetes dhe babait na qenka krim. O tempo o mores! Çdo njeri sipas mundësisë financiare të deklaruar, zgjedh kë mendon ai se e bën punën më mirë.

BALLAFAQIMI

Drejtësia Amerikane provoi se marrëdhënia mes Charles McGonigal dhe Agron Nezës ka “natyrë korruptive” dhe kjo lidhet me interesat e qeverisë shqiptare në Shtetet e Bashkuara të Amerikës.

McGonigal u pagua KESH, pra me para korruptive jo të deklaruara, nga NEZA për interesat e Kryeministrit. Por ky operacion korruptiv aktiv, pasiv dhe pastrim parash sade, nuk është ende krim për SPAK-un.

Madje ai që ka pasur qëllime korruptive në këtë aferë, RAMA, të cilat dhe i ka realizuar, ende nuk është thirrur as si dëshmitar. Mjafton ky ballafaqim i vogël për të provuar për të disatën herë, kapjen politike të SPAK-ut dhe absurditetin e tij të akuzave dhe parashtrimeve politike ndaj zotit BERISHA dhe MALLTEZI.