E fundit!

11:00 Aktualitet

Vijojnë përplasjet në kantierin e aeroportit të Vlorës/ Kërkohet ndërhyrja e policisë, reagon Behgjet Pacolli

Vazhdojnë tensionet në kantierin e aeroportit të Vlorës. P...

Studime europiane që nisin me qokë politike

8 Shtator 2024, 11:35, Opinione Grigels Muçollari

Studime europiane që nisin me qokë politike

Grigels Muçollari

Voluminoze janë raportet e progresit dhe të qarta kriteret që BE ka vendosur për Shqipërinë në rrugën drejt Brukselit.

Ato mund të ndryshojnë nga viti në vit, por një përcaktim ngelet aty i palëvizshëm: Lufta ndaj korrupsionit.

Kontinenti i vjetër, organizmi i tij politik, na kërkon ta çrrënjosim këtë fenomen. Presioni që BE bën në këtë drejtim është patjetër një ndihmë. Vetëm se këtë fundjavë, mesazhet u ngatërruan pakëz.

Predikimi ishte pak i ndryshëm nga aktet.

32 studentë që do nisin këtë vit studimet në Kolegjin e Europës që u hap në Tiranë, fjalët e para që dëgjuan nga podiumi i auditorit, ishin pikërisht nga njeriu që u ka marrë taksapaguesve të tij 132 mln euro për një incenerator që nuk ekziston. Ishin të atij që u ka marrë taksapaguesve të Tiranës, të pakten 30 mln euro, dhe ua ka dhënë 5 bashkëpunëtorëve të tij kryesorë, që ishin kujdesur t'i vinin firmës së tyre emër modern, 5D.

Ky personazh që ka gjysmën e drejtorëve në burg, dhe vetë po përfiton nga dhembshuria e kolegëve në SPAK, u hapi dyert europiane 32 studentëve nga vende të ndryshme.

Sigurisht, këta 32 studentë janë të vetmit të pafajshëm në këtë skenë.

Por atyre u kërkohet me zor të pranojnë simpatitë personale të rektores dhe ambasadorit.

Sepse ato që do të mësojnë gjatë vitit akademik, me temë; transformimet europiane dhe integrimet, flasin për të kundërtën e asaj që ndodhi në fundjavë. Flasin se dikush që abuzon me detyrën, me ligjin e me besimin e qytetarëve, e ka vendin para drejtësisë, e jo t'i jepet imunitet, të qëndrojë mbi të tjerët, e më keq, të qeraset me aula për të ruajtur imazhin.

Klasa e Kolegjit të Europës në Tiranë, deri në fund të studimeve do të kenë mësuar se ai që u hapi dyert e godinës dhe u mbajti leksionin e parë është dikush që ka kontribuar në korrupsionin madhor që pengon Shqipërinë të integrohet. Po deri atëherë do të kenë kuptuar diçka dhe për qokat politike që bëjnë disa ndërkombetarë në Tiranë.