E fundit!

10:38 Kulturë

Ndahet nga jeta mjeshtri i humorit, Todi Llupi

Ndahet nga jeta në moshën 78-vjeçare mjeshtri i humorit To...

Bashkëshorti i Klotildës mbi 20 milionë euro fonde shtetërore/ Sipas ligjit të konfliktit të interesit i ka marrë edhe Klotilda

6 Shtator 2024, 16:21, Opinione Myslim Murrizi

Bashkëshorti i Klotildës mbi 20 milionë euro fonde

Myslim Murrizi

Prej vitit 2020 e deri më sot, bashkëshorti i deputetes Klotilda Bushka, ka vazhduar të përfitoj para publike nga tenderët si ortak me Z.Gent Sula, ashtu edhe me “fermën” e tij me rezidencë në Baldushk që furnizon burgjet me mish e zarzavate.

Një kujtesë për deputetët e PD që nuk duhet të heshtin si të tredhur, por duhet të kërkojnë heqjen e mandatit të deputetes zj, Klotilda Ferhati ( Bushka).

Kjo video është në muajin shtator 2020, kur unë isha shpallur “armik” nga kjo tufa e palaçove që sot bredhin prehër më prehër e lëpijnë çdo mendere për një karrige të qelbur në Parlament.

Po t’i kisha patur 14 deputetë me vete, do të kisha kërkuar heqjen e mandatit të Klotildës me dy mbiemra qysh në këtë kohë, pra në mandatin 2017-2021, sepse bashkëshorti i saj z, Altin Bushka si ortak me bashkëshortin e zj, Genta Sula (Energjikja), z, Gent Sula kishin përfituar jo pak, por 6 milion euro para publike nga tenderët.

Pas kësaj kërkesës timen në këtë mbledhje, zj.Klotilda u largua si relatore e ligjit të Gentës duke deklaruar se konflikt interesi ishte jo ligji, por po të votohej për zj, Genta.

Në korrik të vitit 2022, zj, Genta Sula u rizgjodh me 105 vota përsëri në krye të këtij autoriteti pasi një vit qëndroj në detyrë me presionin e dosjeve të spiunëve të sigurimit në Parlament, derisa i rifitoi zemrën Bablokut me “ luftën” e madhe që i beri ish spiunit I.M, në shtator 2021. Që rezultoi një mashtrim ordiner sa kohë që I.M vazhdon të notoj në çdo lumë, det, liqen e pishinë.

Prandaj që të mos ju vij akoma era hale në “luftën”, si opozitarë me urdhër, me pagesë apo me ndërsim nga ata që ju kanë zinxhirin në qafë, e të mos na dërdëllisni për mandatin e deputetit, Vullnet Sinaj se kanë blerë 4.7 milion lekë të vjetra miell makarona apo sheqer tek BIG MARKETI, institucionet Shtetërore, kur bashkëshorti i Klotildës ka marrë mbi 20 milion euro. Duhet të kërkoni me 14 firma heqjen e mandatit të zj, Klotilda edhe pse Flamurit dhe Joridës mund t’i dhimbset se e ka patur në FRPD, por ju të tjerët nuk keni lidhje me këtë pune se as keni patur lidhje me FRPD e as me PD.

Opozitën selektive dhe me pagese, apo të ndërsyer mund të jua shisni si të tillë vetëm palaçove që ngjajnë me sojin tuaj, por jo opozitarëve që nuk kanë lidhje me moralin tuaj kalbësirë.

Shyqyr që nuk është dorë lëshuar Vullneti, se po të ishte do kishte bërë kontratë me ministrin e brendshëm kur ishte Balla ministër, që ato kartat e ushqimeve për policat që deri tani kanë marrë leshtë, tua kishte dhënë tek BIG MARKETI, e sipas “ vrullit” që pashë se si i jeni turrur Vullnetit, ai mund të rrezikonte pushkatim.

Kërkoni zyrtarisht të dhënat në QKR, QKB ,APP dhe Thesar për të zbuluar sa milion euro ka marrë nga parat publike z, Altin Bushka dhe bëjeni publike bashkë me kërkesën tuaj për t’i hequr mandatin deputete Klodit me dy mbiemra.

E di që nuk më dëgjoni dot kur flas, por dëgjojeni duke mbyllur sytë që të mos më shihni se jam unë “armiku” juaj që po denoncoj një fakt të tille në shtator 2020, kur ju “ishit” në pushtet prej një viti e kusur pasi “ kishit rrëzuar” Ramën qysh më 19 shkurt 2019, kur ulërinit në oborr të PD për “fitore” pas djegies së mandateve. Në atë oborr ku më, 8 janar 2021 rrahët Demokratët me shkopinj bejsbolli e ju hodhët gaz lotsjellës, pastaj sollët policët e Ramës për të mbrojtur surratin tuaj të blinduar nga dyert me adeziv.

Ps: I kërkoj ndjesë familjes së të Ndjerit Bashkim Fino që në këtë video është edhe ai, si ish deputet i këtij komisioni./ CNA