E fundit!

12:08 Aktualitet

Edhe një tjetër “pikëz e voçkël” mbushet me shtëpi

Analisti dhe gazetari Mentor Kikia ka reaguar pas zjarrit ...

Duke kërkuar drejtësi…

18 Gusht 2024, 13:26, Opinione Marjeta Istrefi

Marjeti Istrefi

Është data 18 gusht 2024, si cdo ditë hap rrjetet e tua sociale apo dhe tv për të parë cka ngjarë përreth, duke shpresuar se gjithmonë ajo cka ngjet të jetë larg teje e larg familjes tënde. Ekrani i “mashtrimeve” e herë herë të vërtetave ndizet dhe lajmet rrjedhin lumë. Po e them kështu se ka të ngjarë se së fundmi të vetmet lajme kaq reale janë ato të bujshmet që kanë në dorë fatin e dikujt dhe luajn fort me jetën e tij.

Ekrani vazhdon të qendrojë i ndezur dhe ti kalon nga një stacion në një tjetër nxitimthi, si e si të shpëtosh nga ky gllabërim i cili stë ofron asnjë kënaqësi. E si qenie njerëzore me kureshtje të paskrupullt ndalon të lexosh lajme që për ty dhe njerëzoren tënde janë kaq larg. Por, ti nuk i reziston dot. Ndalon dhe ngrys vetullat. Ti e njeh atë. Po, po. E njeh sepse ai është komshiu yt, ajo është kolegia jote, ata janë miqtë e tu dhe të gjithë së bashku janë duke kërkuar drejtësi.

Pasi e mer rastin për të parë më tej, kërkon më shumë të dish.

Shkruan, “Duke kërkuar drejtësi…” dhe vërtetë , po po, vërtetë nuk arrin dot të gjesh lajmin që ti vërtetë e doje.

“10 vite duke kërkuar drejtësi” është titulli i parë,

“Jam lodhur duke kërkuar drejtësi” është i dyti,

“Piu fotoksinë para SPAK, duke kërkuar drejtësi” është i treti,

Foto ilustruese

“Një jetë duke kërkuar drejtësi” është i katërti,

“Shtetin mund ta ndërtojmë vetëm duke kërkuar drejtësi” pason një tjetër.

Dhe vërtetë, ky i fundit është rasti më tronditës i kërkimit të drejtësisë.

Nuk do të doja të ndaloja aspak tek ky term, por dua të ndaloj tek ajo e cila zor se po arrin të kuptohet. Ju me doemos i keni dëgjuar termat ekonomi, dashuri, jetë dhe mendoni se cdo gjë vërtitet rreth tyre. Por ju e dini shumë mirë, se gjithmonë, kur dicka nuk shkon se si duhet mendoni se sa e padrejt është treguar jeta me ty, fati me ty, e më pas njerëzit me ty. Duke bërë të mendosh se kjo ishte historia jote dhe nuk mund kurrsesi të kërkosh më shumë.

Sa e trishtë!

Në fakt, kështu, duke kërkuar drejtësi, ne humbëm më të dashurit tanë, sepse dikush atje besoi se drejtësia i përket vetëm atij dhe se e drejta e tij ishte e drejta më absolute. Që askush smund ta cbëj! Në fakt, kështu, ne u shokuam sesi kjo drejtësi jo vetëm që i bëri lajmet lumë,por edhe gjakun lumë. Në fakt, kështu, ne pa kuptuar po ngrejmë një ndërtesë me tulla të thyera me shpresën se ajo do të mbajë dhe do të jetë shtëpiza e ngrohtë e familjes. Por në fakt ajo po i zë familjet brenda. Dhe kjo e fundit jo nuk ka të bëjë me tullat, por me drejtësinë.