web counter
LEXO PA REKLAMA!

SHKARKO APP

App Store
Google Play

E fundit!

x

Pse shqiptarët duhet ta paguajnë oksigjenin 3-4 herë më shtrenjtë?

15 Tetor 2024, 13:58, Denoncim CNA
Pse shqiptarët duhet ta paguajnë oksigjenin 3-4 herë më
Foto ilustruese

CNA po kryen një tjetër investigim që prek shqiptarët e varfër, për oksigjenin, që Shqipëria e blen 3-4 herë më shtrenjtë se vendet e tjera të rajonit si Kosova apo Maqedonia e Veriut. (LEXO KETU)

Me fakte, prova dhe dokumente, treguam se sa blihet oksigjeni në Kosovë dhe Maqedoninë e Veriut duke e krahasuar me Shqipërinë.

CNA iu drejtua me një shkresë, Ministrisë së Shëndetësisë, në shtator të këtij viti, e cila në kthimpërgjigjen e saj na dha vlerat e sakta në lidhje me procedurën.

Dokumenti i Ministrisë na jep një vlerë të përcaktuar, pa TVSH për oksigjenin e lëngshëm, 12,744,522 litra oksigjen lëng me vlerë rreth 1.6 miliardë lekë të rinj, rreth 16 milionë euro dhe vlera tjetër që është rreth 290 milionë lekë të rinj, rreth 3 milionë euro afërsisht për një sasi rreth 8,414,179 litra oksigjen gaz në këtë rast.

Në një përllogaritje të thjeshtë vlera duke bërë pjesëtimin e shumës së parave pa TVSH dhe litrave të oksigjenit rezulton që në Shqipëri blerja e gazit lëng të bëhet me vlerën 1.2 euro pa TVSH që shkon rreth 1.5 euro/litër gaz të lëngshëm.

Pse shqiptarët duhet ta paguajnë oksigjenin 3-4 herë më
Kthim përgjigje pë CNA, shifrat në dokumente, çmimi i oksigjenit për Shqipërinë

Sa i përket Kosovës, CNA publikoi dokumentin që tregon se në një blerje 309 mijë euro vlera për njësi me TVSH në këtë rast është 0,43 euro/litër gaz. Pra, në Shqipëri me TVSH është rreth 1.5 euro/litri, në Kosovë i njëjti produkt, gaz medicinal blihet me vlerën 0.43 euro/litri.

Pse shqiptarët duhet ta paguajnë oksigjenin 3-4 herë më
Çmimi i oksigjenit në Kosovë

Në rastin e Maqedonisë së Veriut, sipas të dhënave zyrtare, në Oksigjenin (O2) për përdorim mjekësor të saktësuar me një përllogaritje të thjeshtë, vlera është 0.45 cent/litër gaz.

Pse shqiptarët duhet ta paguajnë oksigjenin 3-4 herë më
Oksigjeni për përdorim mjekësor me pastërti 99.5%

Pra, çfarë ndodh?

Ne paguajmë për shërbimet që nuk i marrim, paguajmë për sterlizimin që ish-ministri dhe zyrtarë të tjera ndodhen në burg, paguajmë për checkup-in që është jo vetëm i dyshimtë por që janë bërë dhe denoncime dhe ka një mijë skandale, paguajmë dhe për inceneratorë që nuk ekzistojnë.

Paguajmë 3-4 fish-in e çmimit për oksigjenin, oksigjenin për pacientët.

Qeveria mund të sigurojë oksigjen dhe mund të thotë se ne e kemi ofruar si shërbim, por pse duhet ta ofrojë 3-4 herë më shumë se sa e ofron Kosova, Maqedonia e Veriut dhe vendet e rajonit?

Pse duhet të lejohet një monopol i tillë, sepse në fakt përgjegjësia nuk është fare e ministrisë e cila ka bërë një tender?

Ata kanë bërë një tender, ka një shumë, do vijnë ofertat, ka studiuar tregun vendas, por në vend një operator vjen. Kjo tregon se nuk vijnë të tjerë, nuk janë lejuar.

Cilat janë dyshime? Janë penguar, sepse kanë qenë dhe disa operatorë të vegjël të cilët janë zhdukur?

Duket se janë në lojë një operator i madh dhe një i dytë që luajnë në fushë futbolli pa kundërshtarë, thjesht zëvendësojnë njëri-tjetrin.

Çmimi i oksigjenit 3-4 fish, dakort iu është siguruar pacientëve, shumë mirë ka bërë qeveria, por a ka institucione që i kontrollojnë këto? A ka autoritete? A mund të lejohet ky lloj monopoli?

Pse duhet të jetë vetëm një operator i këtij shërbimi ku rajoni dhe Europa kanë me dhjetëra ta tilla, edhe shumë më cilësorë?

Çështja nuk është thjesht për të goditur një biznes, një aktivitet, cilat janë këto kompani, as për të goditur zyrtarët e Ministrisë që kanë bërë këtë tender. Është thjesht dhe vetëm te fakti që shqiptarët e varfër duhet të paguajnë 3-4 herë më shumë çmimin e oksigjenit dhe tregu është monopol.

Shteti ka instrumenta që ndërhyjnë dhe zgjidhin këto lloj rastesh dhe problematikash. Nuk mund të lejojë që vetë kostot e qeverisë të rriten pafundësisht me çmimet të cilat janë krejtësisht abuzive.

SPAK-u tashmë ka dhe një tjetër fakt mjaft të rëndësishëm në lidhje me monopolin e oksigjenit të lëngshëm në Shqipëri dhe dokumentet e Kosovës dhe dokumentet e Maqedonisë së Veriut të publikuara nga CNA e tregojnë qartë se çfarë ndodh./ CNA

 





Lajmet e fundit nga