web counter
LEXO PA REKLAMA!

SHKARKO APP

App Store
Google Play

E fundit!

x

Faktet për SPAK/ Veliaj, sulm me gënjeshtra

15 Tetor 2024, 12:28, Aktualitet CNA
Faktet për SPAK/ Veliaj, sulm me gënjeshtra
Kryebashkiaku i Tiranës, Erion Veliaj

Kryebashkiaku i Tiranës, i vetëquajturi zdromsi, dje i mbyllit hetimet për inceneratorin e Tiranës, i vuri vulën.

Ai zbuloi fajtorin që sipas Erion Veliajt është Lefter Koka, megjithëse Lefter Koka i vetëm nuk bënte dot asgjë pasi detajet janë të qarta.

Sekretari i Përgjithshëm i Ministrisë së Mjedisit në atë kohë Alqi Bllako i ka bërë një shkresë Bashkisë së Tiranës dhe pa miratimin paraprak të Erion Veliajt nuk do të kishte kurrë ecje përpara. Ai ka pranuar me shkresë se është dakort në parim.

Faktet për SPAK/ Veliaj, sulm me gënjeshtra

Erion Veliaj, ka pasur përfaqësuesin e tij në komisionin e hartimit të dokumenteve, ka patur përfaqësues në NJZP, Erion Veliaj ka firmosur kontratën koncesionare për dherat e kështu me radhë.

Në finale, në fund të kontratës koncesionare, sërish e merrte Bashkia e Tiranës. Kamza ka patur një tjetër landfill, bashkitë e tjera u detyruan rrugës të shkonin te landfilli i Tiranës, kështu që Erion Veliaj gjithmonë e më shumë del zbuluar me gënjeshtrat e tij.

Por, ajo që bie në sy, në një intervistë të dhënë për Top Channel që është një provë e padiskutueshme për SPAK-un, Erion Veliaj thotë se është gati që të hapet një garë.


(*Pamjet në video i përkasin Top Channel)

"Nuk është një problem që të hapet një garë për landfillin". Pra, po përgatitet të vazhdojë rrugën e tij të hajdutërisë.

Çfarë gare mund të hapë Agjencia e Sekuestrimit të Pronave ku në fakt çështja është në hetim dhe nuk ka një vendim të formës së prerë të Apelit?

Asetet janë sekuestruar, hetimet vazhdojnë dhe që të hapet një garë duhet të prishet një kontratë.

Qeveria shqiptare nuk e ka prishur atë kontratë sepse njerëzit e Erion Veliajt në komisionin që bën kontratën që u firmos, kanë vënë të tilla pika të cilat i shërbjenë thjesht dhe vetëm Mirel Mërtirit dhe Klodian Zotos, njerëzve të inceneratorëve dhe askujt tjetër. Ajo është një kontratë korruptive në dëm të shtetit shqiptar.

Prandaj si mund të hapet një garë kur kontrata nuk është anuluar apo nuk ka një vendim të gjykatës të formës së prerë?

Erion Veliaj sa herë del, i shkon gjuha atje ku i dhemb dhëmbi, tek afera e inceneratorëve, tek afera 1 miliard euro, e cila filloi pasi ra dakort kryebashkiaku i Tiranës pa mbledhur Këshillin Bashkiak, pasi çoi Taulant Tushen e tij te komisionin për përgatitjen e dokumenteve, pasi refuzoi më pas të drejtonte NJZP, megjithëse do të ishte ky përfituesi fundor i koncesionit dhe pasi i firmosi një kontratë dherash, Mirel Mërtirit dhe Klodian Zotos, që të ardhurat i kishte disa herë më të mëdha se sa vetë fondi që do t’i jepte buxheti i shtetit dhe Bashkia e Tiranës për landfillin dhe inceneratorin./ CNA





Lajmet e fundit nga