E fundit!

10:40 Aktualitet

“Ndodhem në një luftë digjitale”/ Porositë e Ramës për socialistët

Kryeministri Edi Rama ka thirrur këtë të mërkurë në takim ...

Mediat e inceneratorëve zbulojnë pse foli Arben Ahmetaj

31 Janar 2024, 18:55, Aktualitet CNA

Mediat e inceneratorëve zbulojnë pse foli Arben Ahmetaj

Ish-zv.kryeministri Arben Ahmetaj

Gazetari Çim Peka ka bërë një postim në rrjetet sociale, ku ka njoftuar se ka kryer një intervistë së fundi me ish-zv.kryeministrin Arben Ahmetaj në arrati.

Arben Ahmetaj, intervistë nga arratia/ Akuzat e SPAK-ut, pazaret e oligarkëve me Ramën dhe Veliajn
31 Janar, 14:07

Në fakt, Çim Peka është gazetari që rreth një muaj më parë zhvilloi një intervistë të gjatë edhe me “trurin” e inceneratorëve, Mirel Mërtiri.

Gazetari Çim Peka me “trurin” e inceneratorëve, Mirel Mërtiri

Menjëherë pas nxjerrjes së lajmërimit, lajmi u përhap dhe tashmë ka ardhur reagimi nga televizionet, mediat dhe portalet e financuara nga afera korruptive 178 milionë euroshe.

Pas publikimit të Çim Pekës, mediat e inceneratorëve kanë zbuluar se Arben Ahmetaj ka dalë të flasë pasi do të duhen sulme dhe akuza ndaj kryebashkiakut Erion Veliaj dhe kryeministrit Edi Rama për të marrë strehimin politik.

Mediat e inceneratorëve zbulojnë pse foli Arben Ahmetaj

Ky nuk është një lajm i ri, pasi ishte vetë Çim Peka që e njoftoi se Arben Ahmetaj do të akuzojë Edi Ramën dhe Erion Veliaj.

Gjithashtu, ai theksonte në postimin e tij të bërë në orën 10 të mëngjesit të kësaj të mërkure, se Ahmetaj kishte akuzuar qeverinë edhe për lidhjet me oligarkët.

Intervista është nesër në orën 20:45. Gazetari Çim Peka në një komunikim me CNA ka thënë se nesër do të jetë dita për t’i zbuluar të gjitha, materiali do të transmetohet i plotë. Ai bëri të ditur se intervista me zotin Ahmetaj ka qenë e negociuar më parë dhe e vendosur disa kohë më parë, ashtu sikundër kishte ndodhur dhe me shtetasin Mirel Mërtiri.

I gjithë qëllimi i kësaj intervista ka qenë çuarja deri në fund e zbardhjes së vërtetës së aferës së inceneratorëve, ku palët akuzojnë njëra-tjetrën.

Në fakt, e vërteta është një dhe vetëm një. Janë 178 milionë euro të paguara nga qeveria shqiptare dhe biznesi për inceneratorë të cilët nuk punojnë, nuk janë përfunduar, apo nuk ekzistojnë./ CNA