Skandali/ Qeveria i la Ahmetajt pasaportën diplomatike

31 Janar 2024, 18:17, Denoncim CNA

Skandali/ Qeveria i la Ahmetajt pasaportën diplomatike

Fotomontazh - Ministria e Jashtme dhe Arben Ahmetaj

Sot në mesditë mediat kanë njoftuar se ish-zv.kryeministrit Arben Ahmetajt i është hequr pasaporta diplomatike.

Ky reagim i qeverisë ka ardhur menjëherë pas njoftimit që ka bërë gazetari Çim Peka se ditën e enjte në mbrëmje, në Syri TV do të transmetohet intervista ku ka folur Arben Ahmetaj për kryeministrin Edi Rama, kryebashkiakun e Tiranës Erion Veliaj, ka ngritur akuza, ka zbuluar të vërtetën e tij me inceneratorët dhe marrëdhëniet e politikës e qeverisë me oligarkët.

Arben Ahmetaj, intervistë nga arratia/ Akuzat e SPAK-ut, pazaret e oligarkëve me Ramën dhe Veliajn
31 Janar, 14:07

Sipas raportimit të bërë sot në media menjëherë pas lajmërimit të intervistës nga Çim Peka, qeveria ka njoftuar se i ka hequr pasaportën diplomatike Ahmetajt.

Në fakt, ky përbën një skandal.

Së pari, sepse Ahmetaj ka rreth 7 muaj në arrati dhe SPAK ka ngritur një akuzë ndaj tij ndërkohë ai është shpallur në kërkim ndërkombëtar. Si ka mundësi që qeveria për gati 7 muaj nuk ia hoqi pasaportën diplomatike?

SPAK, kërkesë Interpolit për të shpallur në kërkim ndërkombëtar Arben Ahmetajn
24 Korrik, 11:18

Në rast se pasaporta diplomatike Arben Ahmetajt nuk iu hoq menjëherë pas arratisë, lind pyetja, pse iu la kaq muaj?

Sipas të dhënave zyrtare nga ministria e Jashtme për CNA, pasaporta diplomatike për zyrtarët e lartë mbahet deri në 3 vjet pas përfundimit të mandatit, ndërsa zotit Ahmetaj i është hequr menjëherë pasi atij i është hequr edhe mandati i deputetit dhe është zëvendësuar nga Parlamenti.

Ky ka qenë argumenti që i ka dhënë CNA-së një zë zyrtar, por ligji thekson se pasaporta mund të mbahet edhe 3 vite pas humbjes së mandatit.

Nga ana tjetër, heqja e pasaportës diplomatike ka ardhur vetëm ditën e sotme, pas njoftimit të bërë nga gazetari Çim Peka se do të ketë një intervistë me Arben Ahmetajn, të realizuar disa ditë më parë.

Ahmetaj dha intervistë, qeveria i heq pasaportën
31 Janar, 16:41

Gjithashtu një skandal më vete është fakti se pse qeveria nuk ia hoqi pasaportën diplomatike Arben Ahmetajt në momentin që ai u shpall në kërkim ndërkombëtar, por ia la disa muaj dhe sot pas daljes në intervistë i hiqet pasaporta.

Në rast se Arben Ahmetaj nuk do të fliste s’do ia hiqnin pasaportën?

Pra, në të dyja rastet Ministria e Jashtme përfshihet në skandal.

Së pari, i ka dhënë mundësinë Ahmetajt të lëvizë me pasaportë diplomatike për rreth 7 muaj dhe së dyti ia heq sapo ai flet./ CNA

Skandali/ Qeveria i la Ahmetajt pasaportën diplomatike