web counter
LEXO PA REKLAMA!

SHKARKO APP

App Store
Google Play

Skandali me dëshmitë e penalitetit

26 Janar 2024, 19:40, Denoncim Klodian Tomorri

Skandali me dëshmitë e penalitetit

Habeas corpus

Infosofti palos 250 mijë euro në vit për të mirëmbajtur sistemin elektronik të gjendjes gjyqësore. Dhe ta nxjerr certifikaten si ta duash. Ti mund të mos kesh qenë i dënuar asnjëhereë në jetën tënde, por po e deshi puna Infosofti të nxjerr si i dënuar.

Shih ç'kanë bërë këta. Kur arrestuan Belerin për blerje votash dhe shkuan para gjykatës, gjykatësja ka thënë më sillni pak dëshminë e penalitetit. Prokuroria e Vlorës ka nxjerrë dëshminë nga sistemi elektronik i gjendjes gjyqësore, për të cilin Infosofti ka përlarë të paktën 2 milionë euro deri tani. Sipas dëshmisë së shkarkuar, Beleri rezultonte i dënuar.

Ah mirë shumë ka thënë gjykatësja. Meqë paske qenë i dënuar dhe më parë, paraqiske rrezikshmëri të lartë, kështu që direkt në qeli. Por certifikata ka qenë e falsifikuar sepse Beleri ka qenë i padënuar.

Tani që çështjen e ka marrë SPAK, shefi i IT-së në prokurorinë e Vlorës thotë unë nuk di gjë, kur e shkarkova atëherë ashtu më doli, pyesni në ministrinë e Drejtësisë. Kurse prokurori i çështjes thotë që e ka fajin sistemi elektronik i gjendjes gjyqësore.

Dmth këta bëjnë ping pong tani, kurse tjetrin e rrasën në burg me dëshmi të manipuluar penaliteti. Ndërsa Grigor Joti palos eurot stivë. Me pak fjalë, Shqipëria po shndërrohet në një shtet fashist ku mund të burgosësh dhe me prova të falsifikuara nëse qeverisë i duhesh në burg.

Beleri duhej në burg se duan të vjedhin tokat në Jug këta ndaj. Dhe për ta mbuluar gjithë këtë pisllëk të ndyrë herë pas here thonë që Beleri ka vrarë ushtarët shqiptare. Po merreni arrestojeni për ushtaret ju, dënojeni me burgim të përjetshëm ose dhe me pushkatim po deshët. Por jo me sajesa se këtë e bëjnë shtetet fashiste.





Lajmet e fundit nga