web counter
LEXO PA REKLAMA!

SHKARKO APP

App Store
Google Play

Denoncimi/ Skandali i postës me faturat e OSHEE-së, ja si shpërndahen

18 Janar 2024, 12:40, Denoncim CNA

Denoncimi/ Skandali i postës me faturat e OSHEE-së, ja si

Një tjetër skandal vjen i denoncuar pranë redaksisë së CNA-së, që ka të bëjë me faktin se si posta shpërndan faturat e OSHEE-së tek qytetarët.

Një "thes" plot me fatura çdo muaj përfundon në dyert e një pallati në të cilin asnjë nga qytetarët që ka për të paguar faturat nuk i merr, pasi thjesht nuk jeton aty, por në një zonë tjetër të Tiranës.

Në një shkallë që ka 10 familje shkojnë fatura për 30 familje të cilat nuk janë banorët e atij pallati.

Pra, skandali qëndron në faktin që OSHEE u dërgon faturat qytetarëve, të cilat përmbajnë të dhënat e tyre personale, ndërsa posta i dërgon këto faturat ku t’i teket, në të gjitha zonat e mundshme, vetëm në atë të duhurën jo.

Për të mos folur për dëmin ekonomik që shkaktohet me faturat e printuara të çuara dëm pasi nuk përfundojnë kurrë në duart e qytetarëve, mbi të cilat është shkruar emri, adresa e banimit, numri i kontaktit dhe të dhëna të tjera.

Ky është një skandal dhe sipas denoncuesit kjo ndodh në shumë zona të Tiranës.

Qytetarët kërkojnë që shërbimi për të cilin paguajnë të mos përfundojë në dyert e pallateve të tjera, por në banesën e tyre dhe që "thasët" e faturave të mos zbrazen më kot rrugëve të Tiranës, që megjithëse kanë adresë, të mos përfundojnë pa adresë./ CNA

Denoncimi/ Skandali i postës me faturat e OSHEE-së, ja si





Lajmet e fundit nga