web counter
LEXO PA REKLAMA!

SHKARKO APP

App Store
Google Play

Pas dështimit për të zbërthyer Mërtirin në emision, justifikohet Çim Peka

19 Dhjetor 2023, 19:01, Aktualitet CNA
Pas dështimit për të zbërthyer Mërtirin në
Mirel Mertiri

Gazetari Çim Peka pasi dështoi me zbërthimin e “trurit” të inceneratorëve Mirel Mërtirin, ka folur për momentin e mbylljes së intervistës, duke u justifikuar se ua kishte borxh shikuesve dhe qytetarëve që prisnin që nga kjo intervistë të kuptonin më shumë detaje nga skema e vjedhjes së shekullit.

I ftuar në emisionin Task Force, Peka vijoi të justifikohej duke pretenduar se Mërtiri nuk mohoi njohjen me kryebashkiakun Erion Veliaj dhe se kërkesat e Mërtirit për tu pyetur nga SPAK e shihte si ofertë ndaj SPAK si i penduar.

“Mua mu duk si ofertë ndaj SPAK, si i penduar, hajdeni më jepni garancin dhe mos më ktheni në Shqipëri, hajde më merrni dëshminë, dhe të gjitha ua jap.

Ti japësh dikujt tre orë kohë për të treguar një të vërtetë shumë të thjeshtë; ku janë paratë. Dhe ti për tre orë kohë të tregosh se je në panik, je i shantazhueshëm, ti lësh të kuptosh publikut që unë i kam marrë këto para bashkë me ato të tjerët, por nuk e them dot se kam halle të tjera, besoj se është shumë.

Dhe publikut në fund ti ja ke një borxh. Ti i premtove, intervista e të shumë të kërkuarit. Njeriu që ka lëvruar miliona euro të këtyre qytetarëve, të ulen në shtëpi dhe të shohin se ky do të flasë, dhe ti në një farë forme tallesh me ta, sigurisht dhe reagimi edhe i çdo njeriu që është ekrani, është që kemi tre orë që tenton të na mashtrosh dhe nuk e thua thelbin, ku janë paratë. Kjo ishte mbyllja”, tha Çim Peka .

Mirel Mërtiri nuk pranoi asgjë në intervistën e tij për Çim Pekën. E vetmja gjë që bëri është të sulmonte SPAK dhe një nga prokurorët Klodian Brahon./ CNA





Lajmet e fundit nga