web counter
LEXO PA REKLAMA!

SHKARKO APP

App Store
Google Play

Si është përfshirë Policia e Shtetit në aferën e inceneratorëve?

2022-11-17 15:00:00, Editorial CNA

Si është përfshirë Policia e Shtetit në aferën e

Mund të duket e pabesueshme, por faktet çojnë në një drejtim, Policia e Shtetit është përfshirë në aferën e inceneratorëve, ka bashkëpunuar dhe ka ndihmuar njerëzit e tyre, të cilat tashmë janë në kërkim dhe ju ka krijuar lehtësi.

Le t’i shohim faktet një e nga një.

Me shpalljen në kërkim, asnjë nga pronarët e inceneratorëve nuk u ndalua nga policia, megjithëse ishin në dijeni se personat ishin thirrur dhe ndaj tyre do priteshin urdhër arrestet.

Minimalisht policia duhet t’i mbante prej ditësh nën vëzhgim, të dinte adresat e tyre, për të mos i lejuar që të zhdukeshin. Nuk ka ndodhur.

Pas shpalljes në kërkim në fazën e parë të arrestimeve në muajin mars, u tha se Stela Gugallja dhe Klodian Zoto nuk ishin gjetur nga policia dhe dyshohej si ishin larguar nga Shqipëria.

Si është përfshirë Policia e Shtetit në aferën e

Në fakt shumë informacione rrodhën mediatikisht, duke u thënë se Klodian Zoto dhe Stela Gugallja lëviznin në aksin Korçë-Strugë, u prit shumë më pas që të shpalleshin në kërkim ndërkombëtar dhe ky është një fakt që implikon Policinë e Shtetit.

Klodian Zoto, Stela Gugallja apo Mirel Mërtiri kanë pasur një çengel në Policinë e Shtetit.

Si vërtetohet kjo?

Interpoli ka shpallur pas 6 muajsh, Klodin dhe Stelën në kërkim ndërkombëtar, pra policia ka vonuar procedurat.

Cila strukturë, si e ka njoftuar dhe si është vepruar, kjo duhet hetuar dhe duhet zbardhur nga strukturat përkatëse të Policisë së Shtetit. Iu desh 6 muaj t’i shpallte në kërkim ndërkombëtar.

Së fundmi njeriu që ka qënë i lirë për inceneratorët, por dhe shumë i akuzuar mediatikisht, është Mirel Mërtiri, edhe ky nuk është gjetur në banesë para 6 ditësh është larguar, ç’ka do të thotë që minimalisht struktura të caktuara të policisë, merrnin dhe jepnin informacion njerëzve të inceneratorëve.

Kjo i implikon jo pak, Policinë e Shtetit në këtë aferë, sepse asnjë nga krerët dhe kokat e vërteta të inceneratorëve, Stela Gugallja e 22 milionë eurove në Elbasan me një incenerator që nuk po punon, malet me plehra janë aty dhe që ka një kosto qindra mijëra euro në muaj për t’u vënë në punë, një incinerator që shpesh është quajtur një kazan me naftë.

Si është përfshirë Policia e Shtetit në aferën e
Inceneratori i Elbasanit

Klodian Zoto i inceneratorit të Fierit, që ende nuk ka përfunduar do dy apo tre milionë euro ende investim dhe nga ana tjetër nuk është marrë në dorëzim nga shteti, pa folur këtu për gjobat marramendëse që duhet t’i shkojnë për shkak të shkeljes së kontratës koncensionare, pa shkuar më tej te korrupsioni i ministrit apo sekretarit të ministrisë që ndodhen në burg.

Si është përfshirë Policia e Shtetit në aferën e
Inceneratori i Fierit-

Inceneratori i Tiranës, ku administratorja dhe administratori, pra një shtetase shqiptare dhe një Italian, janë shpallur në kërkim, pasi jepnin mijëra euro rrogë në muaj babait të Allqi Bllakos, Edmond Bllako.

Si është përfshirë Policia e Shtetit në aferën e

Asnjë nga këta nuk është kapur, të gjithë kanë ikur, policia nuk di asgjë, thjeshtë dhe vetëm mban disa kontrata, por nuk paska informacion ku ndodh.

Publikisht është thënë se Stela Gugallja bashkë me Klodin kanë lëvizur në aksin Strugë-Korçë, më pas në Elbasan, ndërkohë mediat raportuan se Stela Gugallja dhe fëmijët e saj ndodheshin në Vjenë dhe së fundmi ka dalë informacioni se ajo ndodhet në Suedi.

Tashmë për të vërtetuar pastërtinë e policisë, nuk ka më asnjë mënyrë se si mund të kryhet sepse faktet më lart, se njerëzit e inceneratorëve  kanë pasur njerëzit e tyre, pra burimet e tyre brenda policisë së shtetit.

Dhe së fundmi është shpallur në kërkim gati prej 4-5 ditësh Mirel Mërtiri.

Do të presim dhe të shohim se sa kohë do t’i duhet policisë për t’a shpallur këtë të fundit në kërkim ndërkombëtar, apo do të veprohet si me rastin e Gugalles dhe Zotos që shkoi 6 muaj.

Provat dhe faktet flasin vetë, Policia e Shtetit është përfshirë rëndomtë në dhënie informacioni, dekonspirim, por dhe moskapjen e njerëzve të inceneratorëve, të cilët kanë përfituar kontrata koncensionare prej afërsisht 480 milionë euro nga qeveria shqiptare./CNA.al





Lajmet e fundit nga