web counter
LEXO PA REKLAMA!

SHKARKO APP

App Store
Google Play

Është koha për t’u thënë ndal banditëve në Polici!

2022-10-30 13:47:00, Editorial CNA

Është koha për t’u thënë ndal banditëve
Në Korçë mbushen burgjet për statistika apo më keq, policia është e lidhur me rrjete kriminale.

CNA.al prej disa ditësh ka nisur të denoncojë me fakte dhe dokumente, me shifra konkrete, një skandal publik të policisë së shtetit.

Në Korçë, në komisariatin e policisë së këtij qyteti, prej disa muajsh po burgosen qindra të rinj, për një cigare hashash, si dhe për të mbushur statistikat e policisë, për raportet e saj.

Për të treguar se sa shumë është “luftuar” krimi, sa shumë njerëz janë futur burgjeve, adoleshentë, të rinj të komuniteteve të margjinalizuara, për një cigare kanabis.

400 të rinj janë arrestuar në të ashtuquajtura operacione, “Knock Down 1” dhe “Knock Down2”.

Arrestohen 32 persona, gjykata lëshon 30 prej tyre, dhe më pas 20 e ca të tjerë shpallen në kërkim, a thua se policia po bën luftë.

Më tej vijnë lajme bombastike, policia po bën sukses, konferenca “LIVE” e të tjera si këto.

Ndërkohë, në Tiranë raportohen, mbushen letra, statistika, dokumente, shpenzohet kohë e paguhen policë.

Por, të gjitha trumbetimet, një “vrimë në ujë”.

Gjykata i liron, s’ka prova, pasi bëhet fjalë për sasira minimale kanabisi, për një cigare, ndërkohë nga ana tjetër qeveria kërkon të legalizojë mbjedhjen dhe prodhimin e saj për ilaçe.

Është koha për t’u thënë ndal banditëve

Ashtu si në Europë, në Gjermani, ku ka një lloj liberalizimi, një lehtësim për sasinë e përdorimit vetjak.

Edhe në vende të tjera, ka kontrolle, por ka politika mbi të rinjtë për përdorimin e kanabisit dhe nuk ka arrestime masive të të mjerëve, të të varfërve, të një përdoruesi hashashi, të një adoleshenti, të cilët rekrutohen në shkolla, ku u jepet një cigare kanabis dhe me këtë burgosen.

Apo më keq ende merren të bëjnë deklarata false, duke përdorur emra të caktuar që i ka shitur apo jo kanabis, sepse i duhet një zyrtari policie, i duhet të drejtuesi policie, jo vetëm për statistikë, por sepse nuk gjen dot prova.

I duhet që të presë ndonjë “degë”, të ndonjë të mjeri që shet ndonjë degë hashashi, për të jetuar.
Për të ndërprerë hashashin, që të kalojnë drogërat e forta, që të hapen linjat për të mbushur xhepat, për zyrtarët e policisë.

Korça është një skandal më vete.

Statistika policore me të arrestuar, 30, 20, 50, 200, 400, në fakt janë thjesht dhe vetëm një "show", një copë letër.

Policia është e zhytyr deri në fyt në lidhjet e saj me shpërndarës droge, me rrjete droge në Korçë.

Ata që përfliten si spektakolarët e këtij shërbimi, Ermal Muça, nuk janë luftëtarët e drejtësisë, nuk janë luftëtarët e krimit, nuk janë luftëtarët kundër drogës, janë thjeshtë dhe vetëm skenaristë policie, për statistika apo më keq akoma, për të favorizuar rrjetet e drogërave të forta, duke goditur të rinj adoleshentë, me qindra të tillë.

Është koha për t’u thënë ndal banditëve
Ermal Muça

Pasojat janë kriminale, pasoja të pakorrigjueshme, dhjetëra të rinj adoleshentë që burgosen, futen burgjeve, gjykohen.

Dikush del i pafajshëm, dikush ngelet me një precedent.

Por, a bëhen më këta të rinj dhe cilat janë pasojat që vuajnë pas daljes nga burgu?

Thjeshtë dhe vetëm për disa statistika të një grupi banditësh në Policinë e Shtetit, që më shumë se të mendojnë se si zgjidhet një plagë sociale, se si menaxhohet përdorimi masiv i kanabisit, arreston pa fakte e prova dhjetëra të rinj.

Çon në qeli dhjetëra të varfër, merr më qafë për gjithë jetën, fëmijë, adoleshentë, vetëm për statistika, apo siç e kemi përmendur në shkrime të tjera, për lidhje kriminale, të ndonjë polici të korruptuar.

Ndërkohë që në Korçë e vërteta është se drogërat e forta pihen lehtësisht dhe i gjen kudo, ndërsa të rinjtë po mbushin burgjet dhe adolenshentët po shkaktojnë një traumë, për të ardhmen e vetë zonës, për të ardhmen e familjeve të tyre.

Pasojat janë të pakorrigjueshme, janë të pallogaritshme, por disa qafirë në polici, për të mbushur xhepat e tyre me statistikat e shtetit, po bëjnë kërdinë në Korçë.

Është koha për t’u thënë ndal atyre dhe kujtdo tjetër, që kërkon të abuzojë mbi jetën e të rinjve për të bërë karrierë për kapelen e policit./CNA.al





Lajmet e fundit nga