LEXO PA REKLAMA!

SHKARKO APP

E fundit!

x

Skandal i Policisë, në Korçë/ Terrori me arrestimet për drogë, si u sfumua megaopeacioni “Knock down”

28 Tetor 2022, 15:33, Aktualitet CNA

Skandal i Policisë, në Korçë/ Terrori me arrestimet

“Knock down”. Kështu quhet operacioni "mashtrues" i Policisë së Korçës, muaj më parë, i cili i reklamua me bujë se kishin zbuluar një grup të tmerrshëm trafikantësh të lëndëve narkotike.

Një tufë policësh të paaftë për muaj të tërë që ata i quajnë hetime, por që vetëm hetime nuk janë dhe sigurisht dhe me urdhër të ndonjë prokurori apo prokuroreje dordolece janë sulur në shtëpitë e disa të rinjve, duke i terrorizuar,  rrëmbyer, filmuar dhe dërguar në komisariat.

Dhe më këtë procedurë skandaloze, intrigante duke marrë zvarrë të rinj një pjesë përdorues, shumë prej tyre në varfëri të skajshme që nuk iu gjen bukë në shtëpi dhe jo më drogë,  policia kishte shënuar sukses dhe duhej dhënë në media.

Nëndrejtori i Policisë, Ermal Muçaj, dhe vartësi i tij Mariglen Beqo, kanë arrestuar  mbi 30 qytetarë të Korçës duke u mësyrë nëpër shtëpitë e tyre në orët e para të mëngjesit dhe duke e shitur këtë në sytë e publikut si një sukses ndaj krimit.

Skandal i Policisë, në Korçë/ Terrori me arrestimet
Ermal Muçaj

Detajet e operacionit të ashtuquajtur të sukseshëm u dhanë përmes një konferencë për mediat nga Drejtori i Drejtorisë Vendore të Policisë Korçë, Drejtues i Parë Gjovalin Loka me në krah Ermal Muçajn. Loka tha se në përfundim të fazës të parë të këtij operacioni, janë proceduar 101 persona për të cilët Prokuroria pranë Gjykatës të Shkallës të parë Korçë ka nxjerrë 31 urdhra ekzekutimi për zbatimin e vendimeve të Gjykatës së Shkallës së Parë Korçë, për zbatimin e masës së sigurisë “Arrest me burg”, të dyshuar për veprën penale “Prodhimi dhe shitja e narkotikëve.

Ministri i Brendshëm Bledi Çuçi i përgëzoi.

“Operacioni antidrogë në Korçë me 31 urdhër-arreste dhe 101 persona të proceduar penalisht është një tjetër dëshmi e rritjes së forcës goditëse të Policisë së Shtetit dhe luftës së pakompromis kundër krimit të organizuar”.

Kjo ishte deklarata e ministrit të Brendshëm të Shqipërisë, Bledi Çuçi, të mërkurën e 20 prillit sa i përket finalizimit të operacionit policor të Korçës.

Skandal i Policisë, në Korçë/ Terrori me arrestimet
Bledi Çuçi, Ministër i Brendshëm

Pra, u trumbetua në media, Korça “u pastrua” nga trafikantët, por nga ana tjetër Gjykata i nxori blof dhe sfumoi ideotësinë e policisë të quajtur megaoperacion.

Operacioni ka dështuar totalisht, pasi Gjykata i ka liruar personat, sepse s’ka pasur prova. Policia nuk kishte siguruar prova.

Ky operacion i madh që u shit si një sukses ishte thjesht dhe vetëm një dështim.

5 muaj hetime siç u tha në njoftimin e policisë rezultuan 5 muaj mashtrime që dyshohet se ishin mbulesë për favorizim të ndonjë grupi droge nga policia, nga ata që policia nuk guxon t’i prekë, por që bashkëpunon me ta dhe i informon për çdo lëvizje.

 

I gjithashtuquajturi operacion i sukesshëm mund të duket si një spektakël për të vënë nën kontroll nga persona të caktuar linjat e shpërndarjes së drogës.

Korça prej kohësh është një qytet problematik në lidhje me çështjen e shpërndarjes së drogërave të forta.

Fakti që këta persona po lirohen, fakti që është ushtruar dhe po ushtrohet presion dhe shantazh te personat e ndaluar, fakti që nuk u është gjetur asgjë dhe fakti se nuk po sigurojnë prova ngre shumë dyshime se ka qenë një "show" për të marrë grada dhe nga ana tjetër për të vënë në kontroll linja, siç ndodh rëndom në ato që i shohin në filma mafiozë, por që mesa duket në Korçë po bëhen realitet.

Policia godet disa njerëz të varfër, thjesht përdorues pa asnjë problematikë thelbësore dhe gjykata i lë të lirë dhe nga ana tjetër policia të bashkëpunojë me rrjetet e drogës për t'i vënë nën kontroll.

Skandal i Policisë, në Korçë/ Terrori me arrestimet

Në Europë, si Gjermani e gjetkë lejohet deri në një sasi të caktuar përdorimi vetjak i kanabisit, por në Korçë apo edhe në qytetet të tjera të vendit, rrëmbehen të rinj e mbushen burgjet plot me njerëz të varfër pa mbështetje e që s’kanë para të paguajnë një avokat.

Në fakt hetime tashmë duhet të ketë për drejtuesit e këtij operacioni, për ata që janë marrë me hetimet, pasi janë zhvlerësuar nga Gjykata.

Në të kundërt, ky terror i policisë do të vijojë jo vetëm në Korçë, por edhe në qytete të tjera, ku iu sulen të dobëtëve, për të mbuluar të fortët, krahët e tyre dhe për të marrë ndonjë gradë, por ndoshta edhe për të fshehur pisllëqet e tyre./CNA.al

Lajmet e fundit nga