E fundit!

09:11 Aktualitet

Një hap më pranë Brukselit/ Gjermania përshëndet progresin e Shqipërisë në negociatat me BE

Ambasada Gjermane në Tiranë ka përshëndetur mbylljen e për...

Gara për Tiranën/ Gazetari tregon “formulën”, çfarë duhet të bëjnë kanditatët e PD-së, që të mundin Veliajn

27 Tetor 2022, 22:37, Aktualitet CNA

Gara për Tiranën/ Gazetari tregon “formulën”,

Kryebashkiaku Erion Veliaj

Gazetari Habjon Hasani, ka deklaruar se opozita duhet të dalë nga “Primaret”, me një kandidat të pakontestueshëm, pasi sipas tij kjo do të forconte radhët e opozitës, duke theksuar se Ilir Alimehmeti dhe Belind Këlliçi, janë dy emra potencialë.

“Deri tani opozita ka shpalosur dy kandidate potenciale per oferten e kryebashkiakut te Tiranes.

I pari eshte Alimehmeti, profil i kendshem dhe i preferuar per nje pjese te madhe te atyre qe e njohin me sa kam kuptuar.

I dyti eshte Kelliçi, profil i nje lojetari qe ka ditur te manovroje ne disa situata qe i ka patur ne dizfavor, i spikatur per aftesi te mira organizative; te pakten me forumin.

Me rendesi eshte qe nga gara te dale nje fitues i pakontestuar pasi kjo do forconte radhet e opozites”, shkruan ai.

Më tej gazetari thekson se përsëri shanset që të mundet kryebashkiaku Erion Veliaj, janë minimale, pasi përtej defekteve ai ka imponuar një model pune intensive dhe ka lënë gjurmë në qytet.

“Mendoj se shanset qe te mundet Veliaj jane minimale; jo vetem per shkak te asaj qe shumekush e cileson si "forca e regjimit" por mendoj se Veliaj pertej defekteve dhe problemeve, ka mundur te imponoje nje model pune intensive, qyteti ka gjurme dhe "nishane" te tij, duke nisur qe nga korsite e biçikletave dhe organizimi i disiplinuar i biznesit te parkimit, apo stabilizimi i skemes me komplekset e pallateve dhe administratoret per sherbimet perkatese”, vazhdon Habjon Hasani.

Ndër të tjera, gazetari thekson se opozita duhet të luftojë për të qenë serioze, pasi shembulli i Lulzim Bashës në krye të bashkisë për 4 vjet, ka qenë tregues i paaftësisë se si mund të drejtohet një qytet.

“Opozita duhet te luftoje per te qene serioze; pasi drejtimi i Bashkise per 4 vite nga Lulzim Basha mendoj se ka qene shembulli me idiot dhe tregues i paaftesise akute per menyren se si duhet te drejtohet nje qytet.

Ky eshte kolaterali me i forte i Veliajt dhe PS-se, pasi deri me tani kundershtaret e tyre kane treguar qe jo vetem nuk jane serioze por jane dhe dembele te neveritshem ne raport me nevojat e qytetit”, shkruan më tej ai në postimin e tij.

Ndërsa tregon “formulën” se si kandidatët e opozitës, mund të fitojnë mbi Veliajn.

“Ndaj gjykoj se gara brenda opozites per kandidatin para se gjithash duhet te mos sjelle kontestime perçarese; ndersa kandidatet duhet te premtojne koncepte dhe pune per nevojat e qytetareve qe tejkalojne imagjinaten dhe spektrin e Veliajt; e qe mbeten nderhyrje te mundshme dhe te realizueshme, jo premtime me tram apo kudiun ca budalliqesh tjera”, e mbyll postimin e tij në rrjetet sociale, Habjon Hasani./ CNA.al