LEXO PA REKLAMA!

SHKARKO APP

Rama,137 udhëtime me avion taksi, më shumë se presidenti amerikan/ Berisha bën llogaritë

28 Tetor 2022, 12:28, Aktualitet CNA

Rama,137 udhëtime me avion taksi, më shumë se presidenti

Kreu i PD-së, Sali Berisha, ka komentuar udhëtimet e kryeministrit Edi Rama, që u bënë publike nga hakerat.

“Më lejoni t’ju informoj statistikën e fundit, që tejkalon çdo imagjinatë.

Ai, si asnjë kryeministër tjetër i Europës dhe i botës, i ka lejuar vetes 137 udhëtime me avion taksi.

Në 8 vite në mandatin e tij, presidenti amerikan Bush, ka udhëtuar me 'Air Force One', 74 herë, gjysmën e Edi Ramës, dhe ka vizituar 43 vende në 4 kontinente të botës.

Por 'Air Force One' nuk është përdorur kurrë për vikende, për udhëtime boshe, etj.

Kjo është një çmenduri. Kancelari i Austrisë, një vend dhjetë herë më i pasur se Shqipëria, nuk udhëton me çarte, por me linjë tregtare. Nuk i transporton ministrat me avion taksi, por me linja tregtare”, është shprehur Berisha.

Sipas Berishës, skandali i Ramës me avionin privat shkon në të paktën 22 milionë euro.

“Edi Rama me 137 udhëtimet e tij vajtje-ardhje, 54 i ka kryer përpara themelimit të 'Air Albania', pra ka marrë nga kompanitë e çarterave avionë taksi në dispozicion të zotërisë së tij.

Të gjitha fluturimet e tjera, Edi Rama i ka bërë përsëri me avion taksi, me ‘Ismailin’ e pasionuar, që flet sikur i ka mbirë në kopshtin e Surrelit.

‘Ismaili’ është një avion i 'Air Albania', dhuratë e presidentit Erdogan. Por problemi është se karburantin, parkingun, rrogat e pilotëve, stjuardesave, që shkojnë 150 mijë euro në një udhëtim, i paguajnë baballarët e atyre që kalojnë me gomone La Manshin.

Ndaj këtij skandali reagoi me gjuhën e tij karakteristike, tha se ka dhënë sqarime. Por ai do të japë sqarime deri më një, shqiptarët nuk do t'ia falin këtë abuzim, që shkon në të paktën 22 milionë euro.

Që tejkalon jashtë çdo lloj limiti, abuzivitetin më maksimal”, ka thënë më tej Berisha./CNA.al

Lajmet e fundit nga