web counter
LEXO PA REKLAMA!

SHKARKO APP

App Store
Google Play

“Kryeministri dhe familja e tij nuk kanë udhëtuar kurrë me çarter”/ Berisha flet për veten, por nuk harron as Metën

28 Tetor 2022, 12:47, Aktualitet CNA

“Kryeministri dhe familja e tij nuk kanë udhëtuar kurrë me

Për kreun e PD-së, Sali Berisha, marrëveshja me Partinë e Lirisë i jep fund monizmit.

Kjo marrëveshje sipas tij do të nxjerrë nga bashkia njeriun që meriton çdo epitet.

“Marrëveshja e djeshme është historike. Është marrëveshja që do t'i japë fund monizmit, është marrëveshja që do nxjerrë nga bashkia njeriun që meriton çdo epitet, njeriu që e shndërroi Tiranën në qytetin me ajrin më të pistë në 10  vendet e fundit në botë. Ajri i ndotur do të thotë kancer, ajër kancerogjen.

Që krijoi në Tiranë me kullat e tij, zonat me dendësinë më maksimale të popullatës, që nuk i gjen në asnjë vend të Europës.

Që mashtron në çdo hap qytetarët shqiptarë.

Që i vodhi në mënyrë monstruoze. E shndërroi fushën e Sharrës në një minierë floriri për veten dhe Edi Ramën.

Këta janë objektivat e marrëveshjes historike mes PD-së dhe PL-së”, është shprehur Berisha.

Ky i fundit është rikthyer sërish tek udhëtimet e Ramës, duke u ankuar se kur ka qenë kryeministër ai nuk ka udhëtuar asnjëherë me çarter.

“Kishte një buxhet të caktuar në kohën time. Kryeministri udhëtonte vetëm me linjë tregtare.

Ministrat udhëtonin vetëm me linjë tregtare, asnjë me klas të parë apo biznes-klas.

Mund të jenë marrë 3-4 herë çarter, kurrë për një grup të vogël, por kur është shkuar në konferenca, ku bileta e kryeministrit shkonte në 2 mijë euro apo 1500 euro.

Asnjëherë çarteri nuk ka qenë bosh. Mund të ketë shkuar pak më shtrenjtë. Por kurrën e kurrës vetëm delegacioni apo kryeministri.

Kryeministri dhe familja e tij nuk kanë udhëtuar kurrë me çarter”, ka thënë Berisha./CNA.al





Lajmet e fundit nga