web counter
LEXO PA REKLAMA!

SHKARKO APP

App Store
Google Play

E fundit!

x

Dokumenti-Skandali i policisë/ Detyrojnë me forcë të shoqëruarit të gënjejnë me dëshmitë

30 Tetor 2022, 09:45, Denoncim CNA

Dokumenti-Skandali i policisë/ Detyrojnë me forcë të

Operacionin "Knock Down 1", një punë rutinë e policisë, është shoqëruar me skandale.

Ky operacion dhe tjetri të reklamuar me të madhe sikur janë fitoret dhe sukseset e policisë së shtetit mbi drogën e të tjera, janë thjeshtë dhe vetëm skema dhe skenarë të ndërtuar nga zyrtarë policie, që duan t’u shesin shqiptarëve sapunin për djathë.

Së pari, në këto operacione janë arrestuar disa dhjetëra adoleshentë dhe të mjerë të cilët janë liruar.

Menjëherë sapo CNA.al denoncoi operacionin "Knock Down 1", policia doli me njoftimin me operacionin e dytë, "Knock Down 2", ku arrestoi një grup tjetër me adoleshentë, duke shitur për trafik droge dhe krim të organizuar një dorë me hashash, për të vërtetuar se e gjitha ka qenë një skenar i ndërtuar nga zyrtarë të policisë lokale, të cilët po mbushin burgjet me të varfër, të mjerë apo adoleshentë.

Dokumenti-Skandali i policisë/ Detyrojnë me forcë të
Drejtori i Policisë Korçë, Gjovalin Loka me Zv. Drejtorin për Hetimin e Krimeve në DVP Korçë,Ermal Muçaj dhe me Prokurori Olger Eminaj

CNA.al po tregon atë që ka thënë më përpara.

Akuzat që ka ngritur se policia ka ushtruar dhunë, presion e  shantazh mbi të rinjtë dhe Gjykata ka vendosur drejt duke i liruar ata se policia nuk ka sjellë prova.

Deklarimet përpara noterit tregojnë se është ushtruar presion dhe dhunë mbi të rinjtë, të cilët janë detyruar të flasin siç ka dashur policia.

Duke ngritur kështu dyshime, se policia është vetë palë me grupet drogës.

Në deklaratën para noterit të njërit prej personave të ndaluar që është emër i njohur për redaksinë, por që identitetin nuk do ta bëjmë publik, zbardhen prapaskenat që kanë ndodhur në polici.

Shtetasi në fjalë thotë se është detyruar me forcë të firmosë deklaratën se një tjetër shtetas i kishte shitur lëndë narkotike.

“Unë deklaruesi (emrin e të cilit e disponon redaksia) deklaroj në përgjegjesinë time se shtetasi (emrin e të cilit e disponon redaksia), nuk më ka shitur lëndë narkotike.

Gjithashtu unë deklaruesi, deklaroj se në Drejtorinë Vendore të Policisë Korçë, pavarësisht se jam detyruar me forcë për të nënshkruar vetëdeklarimin që më është shitur lëndë narkotike nga shtetasi.., kam refuzuar që ta nënshkruaj atë, pasi nuk është e vërtetë dhe nuk ka ndodhur”, ka thënë ai para noterit.

Kjo deklaratë është dhënë konform ligjeve të shtetit shqiptar para noterit, Bledar Zake në Korçë.

Dokumenti-Skandali i policisë/ Detyrojnë me forcë të

Nga ana tjetër nëndrejtori i Policisë së Korçës, i cili dyshohet se është i gjithë strumbullari i këtij skandali, pasi pretendon të transferohet në Tiranë, shfaqet para mediave, sikur ka shkatërruar grupin më të madh të trafikantëve ndonjëherë.

Ndërkohë që Gjykata veçse ia ka dhënë një shuplakë dhe e ka nxjerrë bllof që tek operacioni i parë.

Pasi, nëpërmjet dhunës dhe forcës, dhjetëra shtetas janë dërguar në polici, duke u detyruar të firmosin, se janë pjesë grupit që merren me prodhimin apo shpërndarjen e lëndëve narkotike.

Pra për të shpallur sukseset në konferenca shtypi se është bërë nami se janë gjetur tonelatat e hashashit apo kokainës, ndërkohë janë burgosur disa të mjerë të familjeve të varfra, nga familjet e margjinalizuara të Korçës, adoleshentë, për një cigare hashash.

Ndërkohë trafikantët e vërtetë, ata që shpërndajnë drogën, mbushin gjimnazet dhe lokalet e Korçës janë të lirë dhe janë miqtë e bashkëpunëtorëtë drejtuesve më të lartë të policisë lokale në Korçë./CNA.al





Lajmet e fundit nga