Gazetari Fundo zbardh prapaskenat/ Skema e policisë në Korçë që shiti dështimin për sukses

28 Tetor 2022, 20:11, Aktualitet CNA

Gazetari Fundo zbardh prapaskenat/ Skema e policisë në

Gazetari Elvi Fundo

Gazetari Elvi Fundo ka reaguar me dy statuse të njëpasnjëshme në rrjetet sociale pas përfundimit të fazës së dytë të operacionit "Knock Down 2" të zhvilluar nga policia e Korçës, e cila njoftoi sot kapjen e 23 personave që vepronin në formën e grupeve të strukturuara kriminale.

Fundo thotë se në fakt vetë policia e Korçës është një strukturë e kriminalizuar.

Ai deklaron se ky operacion që u shit si sukses është i dështuar dhe është një skemë e kontrollit të shpërndarjes së drogës nga kupola lokale e policisë. Prova është "Knock Down 1", ku nga 32 të ndaluarit 29 janë të lirë, apo më keq akoma eksponentë të policisë kanë ushtruar presion dhe manipuluar provat.

Gazetari ngre akuzat se Ermal Muça, nëndrejtori i policisë së Korçës, është i lidhur me individë të botës së krimit dhe ju krijon lehtësi pune e shtigje me këto operacione.

“Policia e Korçës është një strukturë e kriminalizuar.

Pasi u dështoi operacioni i parë sot shitën të dytin.

Në fakt e gjitha është skemë e kontrollit të shpërndarjes së drogës nga kupola lokale e policisë.

Gjovalin Loka është një profesionist por...

Ermal Muça nëndrejtori i policisë është i lidhur me individë të botës së krimit dhe ju krijon lehtësi pune e shtigje me këto operacione.

Thjesht po e hanë minjtë, arrrrrrinjtëëëë ndajnë fitimet me policinë.

Shpërndarja dhe përdorimi i drogës në Korçë është një plagë e madhe për gjithë qytetin.

Kupola e menaxhimit shkon tek policia lokale dhe miqtë e tyre”, shkruan Fundo.

Gjithashtu ai zbulon edhe ndërhyrjet e Ermal Muçës për të mos folur për realitetin në Korçë.

“Meqë Ermal Muça, polici i lidhur me krimin e drogën në Korçë po më fut miq mos flas e ca ditë sa të vijë në Tiranë.

Apo më keq akoma se ai s’di çfarë bëhet, po ja them unë.

Gjimnazet, universiteti dhe shumë lokale në Korçë janë kthyer në vatra droge.

Përveç kanabisit që shitet tek Shkolla Muzikës, në krah të Themistoklut, tek Raqi në cep, kokainë gjen në çdo lokal luksi.

Pikërisht aty ku rri Ermali dhe shokët e tij.

Po helmojnë e vrasin rininë korçare një grup policësh të korruptuar që mbushin xhepat me para droge.

Duan vende të tjera? I shoh unë me 2 ditë në Korçë dhe i verifikoj, këta tufë policësh e drejtuesish nuk dinë gjë?

Po për çfarë jeni aty?

Apo kap çtë kapësh nga doganat, nga droga, nga bastet dhe ik nga Korça urtë e butë.

Banditë me uniformë po helmojnë Korçën”, thekson më tej gazetari.

Ndërkohë, kujtojmë se CNA.al raportoi sot për terrorin me arrestimet për drogë, në sajë të operacionit "mashtrues" që muaj më parë u reklamua me bujë për zbulimin e një grupi të tmerrshëm trafikantësh të lëndëve narkotike.

Policia trumbetoi në media se Korça “u pastrua” nga trafikantët, por nga ana tjetër Gjykata i nxori blof duke liruar personat, pasi policia nuk kishte siguruar prova. Sot u deklarua arrestimi i disa të tjerëve menjeherë pasi CNA.al denoncoi se operacionet e policisë të Korçës ishin flluska propagande dhe totalisht të dështuara/ B.A. – CNA.al