web counter
LEXO PA REKLAMA!

SHKARKO APP

App Store
Google Play

E fundit!

x

"Pastrues parash dhe evazorë të mëdhenj fiskalë"/ Rama sulmon mediat, për kë e ka?

28 Tetor 2022, 16:04, Aktualitet CNA
"Pastrues parash dhe evazorë të mëdhenj fiskalë"/
Kryeministri Edi Rama

Kryeministri Edi Rama ka sulmuar disa media pa e përmendur konkretisht së për kë bëhet fjalë.

Me anë të një statusi në "Twitter", Rama thotë se prej kohësh janë denoncuar në prokurorinë e Tiranës pastrues parash dhe evazorë të mëdhenj fiskalë.

Ai shigjeton edhe prokurorinë, për të cilën deklaron se po fle mbi dosje, ndërkohë që këto media po shpërndajnë lajme të rreme kundër Qeverisë.

“Pastrues parash dhe evazorë të mëdhenj fiskalë janë denoncuar prej kohësh në prokurorinë e TR nga administrata tatimore! Ndërkohë që prokuroria fle mbi dosje këta prodhojnë e amplifikojnë tërë ditën kundër qeverisë lajme të rreme, akuza të mëdha, muhabete të dehurish nga urrejtja!”, shkruan Rama.

Kujtojmë se pak javë më parë në Prokurorinë e Tiranës u kallëzua penalisht për evazion fiskal Irfan Hysenbelliu me birra "Tirana".

Nuk dihet a do të ketë media të tjera që do të dërgohen për evazion fiskal, pasi Rama ka folur në numrin shumës dhe shpesh ka thënë se pronarët po i përdorin mediat për gjoba dhe interesa personalë./ B.A. – CNA.al





Lajmet e fundit nga