web counter
LEXO PA REKLAMA!

SHKARKO APP

App Store
Google Play

E fundit!

x

Bogdani dhe Ledio Braho, shërbetorët e inceneratorëve kërkojnë poste publike

2022-11-04 12:39:00, Editorial CNA
Bogdani dhe Ledio Braho, shërbetorët e inceneratorëve
Ledio Braho dhe Gert Bogdani (Foto montazh)

Njerëzit e inceneratorëve janë hedhur në sulm për poste publike.

Këto poste po i kërkojnë nga PD-ja me mbështetjen e saj.

Si nga PD-ja zyrtare ashtu edhe nga grupi i përçarësve të PD-së që ndryshe etiketohen si “Alibasha”.

Dje CNA.al raportoi me fakte se si Ledio Braho, i propozuar si kandidat për Avokat të Popullit, ka marrë para nga inceneratorët.

Ledio Braho rezulton të jetë paguar nga një prej kompanive të inceneratorëve. "Intergrated Technology Services" në pronësi të Klodian Zotos, i cili sot është në kërkim ndërkombëtar që nga fillimi i këtij viti, ka paguar kandidatin e “alibashave”, që e kanë propozuar për Avokat të Popullit.

Bogdani dhe Ledio Braho, shërbetorët e inceneratorëve
Ledio Braho dhe Klodian Zoto (Foto montazh)

Në faturën e të cilit po e sjellim më poshtë, pronari i kompanisë "B8 K Legal & Tax Consulting", Ledio Braho ka marrë një pagesë prej rreth 9 milionë lekësh nga "Intergrated Technology Services" e Klodian Zotos.

Bogdani dhe Ledio Braho, shërbetorët e inceneratorëve

Çfarë kauze ka opozita kur megjithëse me vonesë bëri sikur denoncoi inceneratorët dhe nga ana tjetër propozon për Avokat të Popullit një njeri të paguar nga inceneratorët.

Avokatin e inceneratorëve kërkon ta bëjë Avokat të Popullit.

Nga ana tjetër, në Primaret e Berishës, pra të PD-së zyrtare, kandidon Gert Bogdani.

Bogdani dhe Ledio Braho, shërbetorët e inceneratorëve
Gert Bogdani

Ky i fundit nuk ka sqaruar ende  plotësisht të vërtetën e tij në Zimbabve, lidhjet që ai ka pasur dhe fluturimi që ka bërë për llogari të kompanive të inceneratorëve.

Bogdani ka folur, por sa për të kaluar radhën, tashmë që është sulur te Primaret e Berishës.

Në emisionin “Opinion”, ai ka nxjerrë veten zbuluar.

Ai tha se nuk ka pasur megaaferë në kohën që është bërë foto, duke pranuar kështu se ka qenë pjesë e këtij skandali.

“Është një foto si çdo foto apo takim që unë kam me biznesmenë të ndryshëm, me drejtues institucionesh të ndryshëm. Kjo foto është bërë në 2019-ën kur kjo nuk ishte një megaaferë, në Zimbabve”, ka thënë Bogdani.

I pyetur nga gazetari Blendi Fevziu se çfarë donte në Zimbabve me njërin nga pronarët e inceneratorëve, Bogdani ka thënë se kjo ishte pjesë e punë së tij.

Bogdani dhe Ledio Braho, shërbetorët e inceneratorëve
Mirel Mërtiri dhe Gert Bogdani në Zimbabve

“Kjo është pjesë e punës që unë kam bërë pas parlamentit, pjesë e vizitave për shkëmbime ekonomike me biznese të vendeve të ndryshme”, ka thënë Bogdani.

Por përderisa ka qenë punë ka edhe një pagesë, por Bogdani nuk flet për pagesa dhe për të vërtetën./CNA.al





Lajmet e fundit nga